مساجله شعريه .......

[نبض العجمان]

نجيك ونرجع وقلبـي ماحصـل مطلبـه &&& مثل الذي راح يمّ اليـمّ يـروي ضمـاه
وأتوب عن ذنب حبي معـك وأستعذبـه &&& وأتوب عن توبتي ويعيد قلبـي خطـاه
وأنت تعرف صاحبك برق الحيا يجذبـه &&& يمشي على مايبي قلبـه ويتبـع هـواه

[فريج المرر]

هذا جزايه منك هجران وصدود @ عزاه يا المجمول خيبت ظني
يزل ليلي ما تهنيت الرقود @ بين التوجد والرجا والتمني
ترى العمر يا مالك الروح محدود@ لياك تنزع باقي الروح مني .

[سعود الفيصل]

يتعب قصيدي على الكلمة والمعنى ... وتطلع معي شطورن وزنها جبال

[عجميه الرس]

لي الله صرت لطعوني ( هَدَفْ ) ولطيبتي الرامـي ** أنا [ لا طاعني هذا الزمـان ] ولا بعـد طعتـه !!
حبيبي صَعبه أتحَمَّـل جُروحـي وعظَّـة إبهامـي ** قضى صبري وكل حَـلٍ عشـان الحُـب ؟ جرَّبتـه

[الوافـي]

هانت حبيبي كلها يوم وأنساك = حب ٍ جديد ٍ غير حبك لقينـا

[سعود الفيصل]

الشمــس والبـــدر والأفلاك معذوره .... أنها تمنّى مكــانـــه حالهــا كايــد

[نبض العجمان]

دايــــــــم أشكي بحب منهو على الخفرات فايق &&&بالـجـــمـــال وعيـنـه اللــي كما عيــن الـوحش
قي حياتي مــا بعد شفت مثله فـالخلايـق &&& كــامــل الأوصــاف والعمر بس أربـــــع طــــعش
لــو يشوفه ريسٍ عند تــوقيــع الــوثــايق &&& اختلف ثــم طــاح منه القــلــم ثــــم ارتـــبـش

[عجميه الرس]

شايل هموم قلبي حمل ٍ ثقيل *** حمل ٍ عجز يزريه هامت جباله

[سعود الفيصل]

هويتك يابعَد كل الولايف =على وقت الطفوله والجهاله

سهرت الليل وعيوني ذرايف = على نجم السحر عندي وكاله

[عجميه الرس]

هذا حبيبي وهذا اللي تمنــــيته ... ماغيره احد ملا قلبي ولاعـــــيني
هذا الذي بين كل الناس حبيته ... اغليه ودري كثر ما اغليه يغليني