عاشت ايامك , يا النوف
نار الغلا اللي حرها محـرق الـروح = ياقربها قربـاه مـن لفـظ الانفـاس
مركي عليها دلـة الشـوق وتفـوح = ولا ادري متى فنجالها يقعـد الـراس
ياضايقه صوتـك لـه ايـام مبحـوح = والصدر مدهل كل ضيقـه وهوجـاس
استغفري وان عيّت الضيقـه تـروح = تعـوذي بالله مـن كـل وســواس
هذا خطأ الوقت وخطأ الوقت مدمـوح = وانا معك يأغلا الجواهـر والالمـاس
مالي عذر مقنـع ولانيـب مسمـوح = لا اخطيت في حق المشاعر والاحساس
تشكين لي جرحك وانا كلـي جـروح = لابـاس ماجـوره فديتـك ولا بـاس
مافيه قلب يحـب ماهـوب مجـروح = ولا فيه عاشق صدق ماهوب حساس!!
لـ / عبدالله قنيص