(( سجـل حـضورك ببيت قصـيدة أو حـكمة ))

[بطاح]

عفا الله عن ملذات الهوى والعشق والتخمين=وسجات الغرام ولذةالحب الحقيقيه
فديتك يوم تآخذني على كيفك ولدري وين=معك من وين ماذعذع هواك ومالت الفيه
غدينا كنك الشاعر وانا واحد من الغاويين=نهيم بكل واد من العليا للعزيزيه
وبعد مافاتنا ركب الحياه وشفت شوف العين=مسارات الطريق والإتجاهات المصيريه
عرفت إن كل شي له نهايه والنيا والبين=مصير الشاعراللي خانت أوزانه قوافيه
خلاص إعزم على الفرقا ولا لك في رقبتي دين=ترى حنا تعدينا الخطوط الإستوائيه
تفاهمنا على حسم الأمور وكلنا راضين=وتوادعنا ماكن قلوبنا خضر وهواويه
ومع هذا عجزت أسج وأنسى واترك المقفين=وأغصب القلب لكن الغلا قدره إلهيه
أعن لكل مافي نجد حتى شارع الستين=وأحن إن ذعذع الغربي على أهل الشرق عصريه
وإلا منه مضى من كل ليل حروة الثلثين=عرفت إن نسبةالنسيان إثنين بالميه
وفكرت أتبدوا مع هل البل واترك اهل الضين=يجوز البل تنسى من تبعها عن مشاهيه
وشريت الوضح لعل وعساي أسلى مع السالين=وقعدت أشد وأنزل فالتهاتيت الخلاويه
ولكن ماتغير حال هذا انت تحداني لين=نويت أتم نصف الدين..والنيات مقفيه
وخذيت من البنات الغيد عقبك وحده وثنتين=عساي أسج عن طاري الهوى وطيوف راعيه
لكن الوضع هو هو..ماتغير والزمان يشين=وحبك كل يوم يزين ف العين الشقاويه
عسى ربي يعافيني ولايبلاك قول آمين=تراني كني اللي واطي له جمرة حيه
وتراني يوم كلمتك فديتك قبل تسع سنين=ماغير أهيض العبرات ولا النيه النيه .!

ماغير اهيض العبرات ولا النيه النيه .!

[نيَـة فراق ..!]

يسع ـد مساكم

صاحبي بـ / اموت من كثر الحنين = خلّني اختار [ لحظة مقتلي ] !

[عليل المحبه]

^

ومسسسساك

يقولون العرب صدر الشمالي مايضيق بساع=وانا اقول الصدور اليوم ماعادت شماليه !!

[EmpeRoR]

من يبي حب الناس , يخلص لربه
الله لاحب انسان .. حبب به الناس ..!!

هذا هو اكبر حب , واعظم محبه
...واصدق علاقه , واطهر شعور واحساس

[عليل المحبه]

عام مضى ياعمرنا وابتدا عام
___________انا اشهد ان ايامنا قامت تطير

لا ما تحسفنا على ماضي الايام
_________بس السنه هذي عساها سنه خير

[شامخه بعز ابوهاااا]

مآبقى فـ النآس لـ النآس إبتسآمه أو شعور !
كلنا لآهي و كل شآيفٍ همّـه كبيـر . . ] !
" كلّ وآحد " يحسب إنه فــآهم بـ كل الأمور
و " كلنآ " يبني طموحـه .. و" كلنآ " وده يصير
وفي النهآيه وش خذينآ في الغيآب وفـ الحضور
{ غير}.. قسوتنآ علينـآ ، وإنعدآمك يـ الضمير !



.

[نيَـة فراق ..!]

صباحكم ورد

ما بين حلمٍ مات ، وحروف ثكلى = خبّيت دمعي في تفاصيل الاشعار !
ليلي سهر ، وان قلت : أبسلى ؟ أبسلى : = ما بين [ دمع ، وصمت ، وهموم ، واسرار ] !

[EmpeRoR]

دم الغلا / سأل وانته ناوي الفرقـا
......... وانا ضحية ظروف الوقت وسنيني

غضيت عيني عن اللي بالهوى غرقا
......... وماشفتهم لين شفت الموت في عيني

[بدوي واقعي]

يا صبـــح طمنّــي عسى قلبــه بخيـر !
يا صبـــح جبّ منـه الخبــر والبشاير


للشــوق لـذعـه، والوله طعنته غير
وفـالقلب ما باقي فضـــا للخســــاير
يا صبــح قـلّــه كلمةٍ دون تقصيـــر
قطع الوصل، قطع الحشا والضماير

[عليل المحبه]

نسيت أنا , الشّعْر والايام - : ما تكذب ,
من بعد ما رحت ليه ( أسهر ) واتعب له

أوّل / على شان عينك أسهر , وأكتب
والحين مافي أحد يستاهل أكتب له !