~¤ô§ô¤~ ( تـرانـيـــــــــم الـغــــــــــلا ) ~¤ô§ô¤~

[شيخة الغلا]

يا همّ / رح نام لاتسهر علشاني ! = عيونك اقراء تعبها في محاجرها
ارتح وانا جروح روحي وضعها ثاني = ضلوع صدري عليها .. الله يقدرها
ماهو غريب ان سهرت الليل وحداني = كل الليالي .. بلا خلان ساهرها !
رح خلني عايش ِ في غربة اوطاني = اجمع بقاياي قبل الصبح وانثرها !
مابين صبري على ياسي وحرماني = ومابين الايام ماضيها وحاضرها

[خلاوي الشمالي]

واصلي

ونحن نواصل بالمتابعه بصمت

[شيخة الغلا]

خلاوي تسعدني متابعتك منور

[نيَـة فراق ..!]

رائع ـه يا [ شيخه ] ..


متابع ـتك

[فهـد العجمي]

مسلسل من الفن والذائقه النادر

متابع لإبداعش يالشيخة

وبطوّل اقامتى هنا

[شيخة الغلا]

نيّة فراق ..! الرائع وجودك تسلمين فهد العجمي مرحبابك ألف .. وتسلم ياذوق منور

[شيخة الغلا]

الشاعر / فيصل الرياحي رحمه الله

أنا أدعوك ياعالم بغيب الليال السـود = قريبٍ مجيب ليـا تكلمـت توحينـي
تغفر الذنوب اللي لها فالكتاب شهود = ياربـي لمـا بريتنـي مـن يبريـنـي
أنا عبدك المحتاج وأنـت الله المعبـود = وفيك الرجاء ياخالق أدم من الطينـي
ألا يالله أبعدني عن الشـك والمنقـود = وستّر عيوبي يـوم نصـب الموازينـي
لاصارت عظامي هيكلٍ في لحد ملحود = من اللي بيذكرني ليا صرت ناسينـي
تفكرت بالدنيا ليـا ماوراهـا فـود = وأهلها عليها رغم هـذا حريصينـي
يلمونها بالكـم ويـدورون الـزود = ولو يملكون الكون ماهـم براضينـي
لقيت القناعه فالبشر كنزهـا مفقـود = فقيرين فقر إنفوس لـو هـم غنيينـي
يثور الطمع فيهم كما ثورة البـارود = خـلاّن وصبـاح متعادينـي
سمك في بحر مامنه ناشد ولامنشـود = ظلام الطمع حالك وهم فيه سارينـي

[ناصر الحميداني]

الى الان والمتصفح رائع ومميز ....

الاخت شيخه الغلا.....

نتنمى استمرارك ونثر اجمل القصائد والابيات هنا....

وسنتابع من خلف الكواليس....

بصدق لك السعاده.....

[شيخة الغلا]

ناصر الحميداني ألف شكر لك دمت

[شيخة الغلا]

لاتغيّرك الليالي .. ويغريك الغياب = وتحداني !! والجفا منك حاديني حدي
نبض قلبي يوم ودّا .. ونبضه يوم جاب = مايقول : الا عسى الله يسامح ويهدي
عد غلطاتك على يدك وأحسبها حساب = إنسها .. ومسامحك .. وأذبح لنفسك فدي