(( سجـل حـضورك ببيت قصـيدة أو حـكمة ))

[هادي بن فهاد]

يضحك بك اللي عاجز ٍ عن دروبك = لافاعل ٍ فعلـك ولاهـو مجنبـك

[النـوف]

حبيبي .. جفت ورود الشوق
بــ ايديـّـه !
و انت المخيـّر //
تشوف الخيره .. فراقي .. !!
اقطف ثمره الخفوق
شويـه.. شويـه !
نذرٍ (ن) علي ْ لو تعبت .. اقطف لك الباقـي

[كاسب الطيب ..َ]

السسلام علييكم


مساكم ورد .. وجوريَ







بشويش تكفى " لامس الجرح برفوق
كذبه تراها .. ضحكتي وإبتسامــي !

ثوب الفرح ياسيد الهمـ .. مشقوق
شفها تراجف من لبسته .. عظامي !

شفني نخل .. كلي عذابات وعذوق
لا لا تهـز .... ولا تـطيّر حمامـي !

[مانع الوعيلي]

ياليتني حاكم على عرش سلطان..ماكان هاذا حظي ولا هاذا قدري

[هادي بن فهاد]

شفنا كلامه ولاندري عن النيّه=والله علم بالنوايا يوم يقصدها
حنا نبيّـن مقاصدنـا علانيّـه=وهو يغش القصايد يوم يقصدها

[بطاح]

مساكم الله بكل خير

كل ما ضحك لي لمحت النور في آماله=والى تجهم سترت السقم بثيابي
وكل ما شكى من عنى همه وغرباله=أقول لعل به جرحٍ من أسبابي
( طال الحكي ما لقيت الوصل بوصاله=لاني حبيبه ولا هو أقرب اصحابي )
ناديت طاري المحبه مالنا وماله=بالحيل أنا وانت ربع وكننا أغرابي
يا زين كانك حزين .. فحالتي حاله=بكفيك همك وأنا بصبر على مابي
لو الشجر له نصيب فـ بارد ظلاله =ماحرق القيض جفني وأنت فـ أهدابي

[عـسـاه خـيـر]

مساء النور يامرحبا بطاح

يامنطق الشعر ، ياموجّز معاناتـي = ماملت اذنك من احزاني واهاتـي
حاجات واجد احاول إني اذكرهـا = واذكر نهاياتي ولا اذكر بداياتـي
الضحكه اللي قبل عامين موجوده = هي اخر اللي ذكرته من محطاتـي
فقدت واجد قبل لاترحل الضحكـه = وفقدتها بعد ماماتـت طموحاتـي
اسمع بكلمة حزين وكنت ما أصدق = واليوم صارت قناعه من قناعاتي
حزين لكن ماهي بنهايـة الدنيـا = عارف وواثق بان الاجمل الآتـي
اسمي على اذهان خلق الله ثبتـه = باني صديقً تشرفنـي صداقاتـي
اصحابي اصدق عباد الله واوفاهم = نعماً بصدقي ونعمـاً باختياراتـي
واللي نساني كذا ، واللي تجاهلني = اشيلهم وبهـداوه مـن سجلاتـي
ماني بجابر قلوب الناس تغلينـي = مادام عقلي يوازن رتم خطواتـي
وقناعتي في حياتي اجمل اشيائـي = اللي تبدد همومي فاصعب اوقاتـي
حتى إذا سالت دموعـي ترجعهـا = بالعزه ، لصوتي وتذرف بنبراتـي!!

لـ / عفاس بن حرباش

[عابرة سبيل]

انت وينك ؟ مابقى شي بالدنيا ..يطيب = يوم اناظر بعدك الناس ...مدري وش لمحت !
هي شماتة عاذلين...وهقاوي ماتخيب ؟ = هي وجيهٍ.. تجهل اني من ايديّ ...انجرحت !
من بيفهم ... وش يدور بخيالات الصويب = ياكثر ... حاولت ابين شقاي ...ولا نجحت !!
من كثر مااحكي لنفسي حسبت اني غريب = عاد انا من هرجة الناس ... قلي وش ربحت!
تاقف الدمعه برمشي..على وقت المغيب = كنها ... قنديل بدوٍ ..بظلماهم ...سرحت .. !!
اجذب الونه ..تقل دلو وضلوعي..قليب = والظما كنه على صخرة الانفاس ...نحت !
ليت.. للواحد مع العالم اكثر من حبيب = كان لاضايقني فلان ... يم فلان ...رحت !!

[البندري القحطاني]

تبي تشوف الضياع بصورته ..؟ شفني
شف يا(عيوني).. عيوني ..تعرف اوضاعي
من دون داعي ، تعانق دمعتي جفني
وشلون لا صار يوم وداعك الداعي؟!
( الجرح ) يعطش..؟ وانا الاوجاع تنزفني؟!
ما يعطش الجرح دام الساقي اوجاعي
تزرعني الريح بـ انفاسك .. وتقطفني
وآروح معها ، مثل ما روّح شراعي
هذي (ذراعي) إذا ..حبيت، تخطفني
تحضن ذراعي .. أو انك تلوي ذراعي!


لــ عبدالله الكايد

[فهد_22]

لوجات من غيرك ترا كان هانت
أما تجي منك ياهي قوويه...!!