ماكـل ضحكـة .. تهـزّ القلـب .! يشــبعهـا

[البندري القحطاني]

السلام عليكم ورحمة الله وبركاته ..


حلوهـ لفهـد المسـاعد .!

(( بايعهـا))

مـا كـل ضحكـه تهـزّ القلـب يشبعهـا
ومـا كـل دمعـه تمـرّ العيـن تبكيـهـا
من شاف ضحكة زماني قـال : "بايعهـا"
ما يدري انـي فقيـرٍ مـا اقـدر اشريهـا
يا اللـي نثرتـي سنيـنٍ كنـت اجمّعهـا
تكفيـن هـذي حصـاد العـمـر لمّيـهـا
كـم كنـت اهـدّد بـك الدنيـا والوّعهـا
كـل مـا اذكرتني..واذكّرهـا وانسّيـهـا
بيدينـك اللـي احـس وكـن اصابعـهـا
تقول : "بدري علـى الضيقـه وطاريهـا"
بعيونـك اللـي اناديهـا وانــا معـهـا
اللّـه ياكـم زعلـتـي يــوم اناديـهـا
كنتـي تحسبينـي اسـرح عـن مدامعهـا
وانـا مـا غيـر اتهجّـى رحلتـي فيهـا
اي واللّـه اذكـر عيونـك يـوم اطالعهـا
اقـرا بـهـا انـشـودةٍ كـنّـا نغنيـهـا
كانـت تـروح وتهـجّ البـال واتبعـهـا
تاخـذ عيونـي مـن الحـزن وتودّيـهـا
لايـام كنـت ارمـي بدنيـاي واجدعهـا
أيام مـا .. كنـت اكحّلهـا.. ولا اعميهـا
طفـلٍ سلاحـه دموعـه يـوم يزرعهـا
من فـوق خـدّه وكـفّ ابـوه يرضيهـا
اكبـر همومـه مـن دروسٍ يراجعـهـا
واقصى طموحـه متـى ينجـح ويرميهـا
طفـلٍ وكـل امنياتـه كــان مطمعـهـا
يكبـر وتكبـر هنـوفٍ كـان يرجيـهـا
كبَرْت..و كبْرَت.. وضعت..وخفت اضيّعها
خلّيـت همّـي رضاهـا يـوم اداريـهـا
كل مـا طعنّـي زمانـي رحـت ادلّعهـا
يوم الزمن مـا تـرك لـي غيـر اياديهـا
ما كنت افكّر تجـي فـي يـوم واسمعهـا
تقلـب حياتـي مـن اعلاهـا لواطيـهـا
حتـى اقبلـت تبكـي الدمعـه وتردعهـا
ثـم قالت..وكـن موتـي بيـن اشافيهـا:
"جيتـك أحلّـف عيونـك قبـل اودّعهـا
ما اشـوف دمعـة عتبهـا ليـن اخلّيهـا"
تبغـى تـروح وتخليـنـي واطاوعـهـا
تبغاني اسكت واقـول : "اللّـه يهْديهـا!!"
يـا أول احــلام روحٍ كــان دافعـهـا
انـك سندهـا وحاضـرهـا وماضيـهـا
يا سنيني اللـي قضيـت العمـر اجمّعهـا
يـا ذكرياتـي مــن اولـهـا لتاليـهـا
لا تتركينـي اعـيـش العـمـر بايعـهـا
ضحكة زماني بدونك مـا اقـدر اشريهـا

..فهـــــــد المســـــاعـد ..

[عويضه الوقدان]

صح لسان الشاعر / فهد المساعد


البندري القحطاني


أختيار جميل وذائقة شعريه متفرده

أهنيش على الأختيار الأكثر من رائع

تقبلي تحيتي

[ليــه يازمـــن]

لاهنتي على القصيده الجميله

ماقصرتي

تقبلي تحياتي

[نيَـة فراق ..!]

فهد المساعد شاعر رومانسي و[ طفولي ]

غالباً لا تخلو ابياته من [ براءة الطفل ] الساكن بـ / داخله ..

صح لسانه .. ولاهنتي يا البندري


تقبلي تواجدي هنا

[البندري القحطاني]

عويضه الوقدان.. ليه يازمن .. نية فراق ..

لاهنتوا ..

[عايض الوقدان]

فهد مساعد ..



من اعذب الشعراء .



تسلمين يا البندري وأهنيك على الذائقه

[الغروب]

البندري القحطاني

اشكرك على نقل القصيدة الطيبه

وصح لسان شاعرها .

[البندري القحطاني]

عايض الوقدان .. والغروب

لاهنتوا .. وأسعدني تواجكم ..