محمد بن فطيس ( ( خيمة بدو ) )...NEW...

[ابونايف الوعيلي]

السلام عليكم ورحمة الله وبركاته

هذي رائعه من راوئــع الشاعر .محمد بن فطيس المري


تفضلــوا

ليه المسا عوق الشقاوي وطبّه = وليه الهبوب تصحي القلب لا بات
وليه القمر يدعي جريح المحبّه = ويقول له يا هيه..ما فات ..ما مات
جرحك ظهر لو قلت للوجه خبّه= وللحزن في ضحكك رسوم وعلامات
وليه المطر بالذات ريحه.. وصبّه=كنّه رسول بين الاحباب بالذات
اشتاق فيه لشوفتك واتنبّه = للي نسيته من مواقف ونظرات
لا استانس الخافق ذكر من يحبّه=ورجع يراجع فالوناسات ما فات
يا مرتع القلب الحزين ومربّه=يزيين بك مثل الذهب صدر الابيات
هيهات ينسى القلب شخص ٍ لعبّه=وهيات يدله خاطري منك هيهات
سبك مديح ومدح غيرك مسبّه=تقول واذني صوتها تقول لك هات
ونبع الغلا عندك وعندي مصبّه=ومن الولا .. في خافقي لك ..ولاياات
وطيفك حطب عيني..وعيني مشبّه=والشوق برد ٍ ما انقطع لو للحظات
ومكانك الصدر ولك القلب شبّه=بين الظلوع اللي فردها التنهات
ولك بيرق ٍ فالقلب حبك يهبّه=شامخ ولا هزه من العذل غارات
محبتك فالوقت ذا ما تشبّه=الا بخيمة بدو بين العمارات
ان شفتني ضايق واهوجس واسبّه=اخاف غدر الوقت.. والوقت دورات
لا تحسب ان دمعي نزل دون سبّه=ابكي من الفرقا وهي مابعد جات
اليوم كل امورنا..مستتبّه= وبكره ماندري وش معه من مسرّات
اربّ قلبك مثل قلبي اربّه=ما يخلفه شور العرب والمسافات

اخووووكم


ابونايف الوعيلي

[مانع الوعيلي]

الله الله صح الله لسان الشاعر الرائع بن فطيس ولسانك يابونايف ولاهنت ويعطيك العافيه

[الغروب]

ابو نايف الوعيلي

لاهنت على القصيدة الجزله للشاعر المميز محمد بن فطيس

تقديري

[مسعطر]

ليه القمر يدعي جريح المحبّه = و يقول له : ( يا هيه..ما فات ..ما مات )
و ليه المطر بـ /الذات ريـِحه.. و صبّه=كنّه رسول ٍ بين الأحباب بـ /الذات
آشتاق فيه لـ /شوفتك و آتنبّه = للّي نسيته من مواقف و نظرات
لا استانس الخافق ذكر من يحبّه=و رجع يراجع فـ /الوناسات ما فات

ااااااااالله

لا تحسب ان دمعي نزل دون سبّه=أبكي من الفرقا و هي ما بعد جات
لا تحسب ان دمعي نزل دون سبّه=أبكي من الفرقا و هي ما بعد جات
لا تحسب ان دمعي نزل دون سبّه=أبكي من الفرقا و هي ما بعد جات

اسيييييييييييييييين عليه





محمد بن فطيس شااااعر بدون مبالغه ما قد سمعت له بيت وااااحد فقط اقدر انتقده عليه ,,,

ولا قد سمعت له ولا قصيدة وحدة ما اعجبتني ,,

عسى الله يعديه شر العيون ,, و يبطي و هو يبدع لنا من ذا القصيد الزين ,,




ابو ناايف ,, تسلم يا الشيخ على الإختيار الحلو يا حلو

بس ترا القصيدة مهيب new

تقبل مروري ,,
أستودعك الله ,,

[عبدالله آل عامر]

صح لسان المحيط الهادي ولاهنت يابو نايف على النقل الرائع
:

[ابونايف الوعيلي]

لاهنتوا على المرور جميعـــا



يعطيكم العافيــــه.......,


ابونايف الوعيلي

[مطلق اليامي]

ابو نايف الوعيلي

لاهنت على القصيدة الجزله

و الله يعطيك العافيه

[ابونايف الوعيلي]

ولاانت اخوي مطلق وشاكر مرورك الكريم........


اخووك


ابونايف الوعيلي

[محمد الغيثاني]

لله در ابن فطيس

دائما مبدع ومتميز

لاهنت يا بو نايف ....

[ابونايف الوعيلي]

ارحب يالغيثاني وشاكر مرورك للقصيده وصح لسان ابن فطيس مبدع دايم


اخوووك


ابونايف الوعيلي