كله منك يا بــــــــــ مـــســـعــود ـــــــــو؟؟؟؟؟؟؟؟

[ناصر بن محمد ال صويان]

بسم الله الرحمن الرحيم


اخواني الكرام .... اخواتي الفاضلات...


السلام عليكم ورحمة الله وبركاته ..


نعم كلمه الى اخونا المراقب العام / بومسعود...

وقوله الله يسامحك...وكله منك؟؟؟



بتقولون وش فيك عليه مزعلك قايلك شي مخطي بحقك ..... اقولكم كله منه وبسبته ... الله يسامحك...


بـــــــــــــــــــــــــــس لا تخـــــــــا فون


..... ما اخطى علي ولا سوالي شي ..بالعكس اخو حبيب ..وقريب الى القلب جدا ..جداااااا...


ولا تستعجلون؟؟؟ اركدواااا علي شوي..ابقولكم ..الله يسامحكم بعد... ياحبكم للسوالف ..


السالفه ياطويلين الاعمار....



في ليله ظلماء.. موحشة ... قارصة البرد.. في المخيم .... وانا طبعااااا مرتدي ملابس مش ولابد؟؟؟ يعني البرد جايك جااايك...



وابومسعود


الله يهديه.. ويسامحه ... قارب من الدوه( النار)...الله يبعدنا عنها وعنكم ...ومتلحف بتلك الفروه الي تكفي عشره.... ومخليني في البرد.....

المهم مو هذا الي مزعلني معني موزعلان.....؟؟؟ شلون مدري ..المهم ...


وحنا في جلستنا هذي الي تنشرى بالذهب .. وجلستكم ايضااا .. فاخونا بو مسعود ...خوته تسوى الملايين..

قمنا تنتجاذب اطراف الحديث ..ونتسامر..ونضحك مره على سالفه راحت.. ونتحسر على شغله صارت... وطبعااااا لا يخلوا القعده من حش في بعض الناس ... لا تخاااف يافهيد الكفيف مو انت .ولا ابو جراح .كريزي الحبيشي... لا تخافون مو انتوا ...الانهم كانوا معنا ومشو امبكر....




ادري دبلت كبدكم ..وتقولون هذا طولها وهي قصيره..




الــــــــــــــــمـــــــــــــهم....




بعد ما دنا اليل من الانتصاف ...وهبت اليالي ببردها القارص... واصبح الجو شبه مثلج...

قام ابو مسعود ....
الله يسامحه... وطرالي شي...سالفه او قصه صارت من قبل معه ..ماراح اقولكم اياها..ولا راح اسردها لانكم راح تعرفونها من باقي الموضوع ...


وبعد السالفه .... الله يهديه ابو مسعود دق سيارته سلف ..وحرك الى منزله ..الله يوصله بالسلامه...



وخلاني وحداااني .....اتصادم مع الذكريات والسوالف الي قالها .. ...وذكرني بشخص عزيز علي ..وعلى قلبي.... وراحت صورة هذا الشخص تجول وتحوم في المكان الي انا فيه ...وقامت تضيئ.. شمعات الذكريات لدي ..
فقمت اتحدث مع تلك المخيله ..وذالك الطيف الهائم امامي وتلك الشخصيه جرحت مشاعري .. وابتلت فؤادي ...






وحبيت ارسلها هذي الرساله عساه يوم من الايام يقرااااهاااا ..


واليكم نص الراسله.....



الله يسامحك




الله يسامح ذالك الوقت وتلك الساعه .... والله يسامح زمان فيك ذكرني .. وطرت علي صورتك ... وسوالف ..وملامح وجهك..... الله يسامح زمان ذكرني بسمتك...
والله يسامح ذاك الزمان الي تذكرتك.. وهيج مشاعري وايقض ..مشاعر ,,وجمر كان نائماا وخااامداااا..




الله يسامح زمان فيك ذكرني ...




كلما دعيت الله وتمنيت .. ان انساك وامحيك من ذاكرتي ....واقتل تلك المشاعر واخنقهاا بيد النسيان .... تقوم الى الحياة مره اخرى . الله يسامح زمان فيك ذكرني من بعد ماكنت ناسي يابعد ناسي.... وكل ماادعيت باهواك الله يصبرني ترجع لقلبي الي نساك..وتوقض احساسي



الله يسامح زمان فيك ذكرني...





علمني ..قولي.... وشلون قلبك بعد فراقي .. والبعد عني ..بعد ماغبت عني ونسيتك ونسيتني ؟؟

مرتاح ... مبسوط.... فرحان ... بفراقي ... مافيه شي يحترق ..ويغلي في قلبك ..

ولا يشكي من الفراق ..وبندب حظه... ويخفي دموعه ..من الفراق ... ويقاسي من مرارة البعد..




بالنسبه لي ..... انا اذا قلبي للا مني وقلب مواجعي ..و ذكرني .. فيك....

وشفت..الوقت جبرني على ذكراك... ابعد واصبر فؤادي ...واتركك ناسي..وانابعد ناسي ...


واردد اقول :


الله يسامح زمان فيك ذكرني .. من بعد ماكنت ناس يابعد ناسي ..





ياهل ترى .. تذكرني ..وتذكر ايامي.. الي قضيتها معك.. ايامنا الحلوه والجميله..... يا هل ترى مازلت تحلف براسي ..وبغلاتي .. وانا اعز مالك...


ولا تعودت على نسياني ... وتهجرني .. والوقت .. معك وفي صفك... ولا رجع لي قلبك القاسي ...





وانا اردد واقولك الله يسامح زمان فيك ذكرني ... من بعد ماكنت ناسي يابعد ناسي.




على العموم ..خلك ناس وانا ناسي ..ولا ترجع ..بطيفك..وراح ادفنك في مقبرة فؤادي..ولا راح انبش هذا القبر مره ثانيه..




...... انتهت الراساله.....


فجاءه اخواني الكرام... انطفا نور المخيم... تدرون ليش ....


الان ماكينة الكهرباء نفذ منها الوقود.... قمت ... وخذيت اغراض ..وشغلت سيارتي ..وحركت الى البيت ..وانا قاعد اقول .. الله يسامح يابو مسعود.. اشهدنك ذكرتني فيه..

تحيااااتي

[salem almarri]

أخي/ متعب الخياله

اخذتنا معك برحلتك الجميله

يعطيك ربي الفروه الدافيه والعافيه ويعطى اخونا بومسعود العافيه ويهنيه بفروته

يارب

تقبل مروري وتقديري

دمتم بخير وسرور

[مسفر مبارك]

الله يسامحك يبو مسعــود ......!
:
ويعطيك ربي الفروة الطيبه إن شاء الله تعالـى اللي أبرك من فروة بو مسعود ...!
:
وقلم متميّز لا ينضب كما عهدناه ....!
:
دمــت بــود......!
:

[الغروب]

السلام عليكم ورحمة الله وبركاته


الاخ القدير / متعب الخياله


سلم قلمك ... بل نقول جزا الله ابو مسعود خير اً الذي الهم الحماس واعطى الوقود الثمين

لقلمك لنسعد جميعاً بما خطته حروفك من جميل الذكريات ...

دمت بخير وتميز.

[محمد آل مفرح الضاعني]

الأخ\ متعب الخيالة

الله لا يهينك على الموضوع الرائع والتاريخى للى راح تكون في ذاكرة التاريخ

على الأخ\ بو مسعود

جزاه الله خير ولا هنت ابو محمد على الرسالة من قلمك الرائع المتميز

الله يسامح زمان فيك ذكرني .. من بعد ماكنت ناس يابعد ناسي ..


ودمت بخير

[ناثرة الورد]

{{ ابـو محمـد }}

.... جميـل مـا قـدمتـه لنـا من قلمـك المميـز دائمـا ....

جـزا الله الف خير " لبـو مسعـود " هـو و فـروته اللـي خلـوك تكتـب هالمـوضوع

وعسـى الله يهنيه بفروته ويرزقك احسن منها ....

[عبدالله آل عامر]

أهم شي إنك مسامح بو مسعود اللي هيّضك..!
:
النسيان نعمة فضيلة .. ما يعرف قيمتها إلاّ اللي جرّب مثل حالتك يابو محمد..!
:
تسلم أناملك على ما خطّت لنا من ذكريات .. جعلتنا نعيش أجوائها معك..!
:

[&آهــــات الحــــزن&]

وارجع واقول

الله يسامح زمان فيك ذكرني .. من بعد ماكنت ناس يابعد ناسي


انا الي بقول الله يسامحكم

الا ما اقول الا الله يجزاااكم خير

ويجزاك كل خير اخوي متعب الخياااله

ومتعب الكل بابداعااااتك

واحلى رحله في ذكرياااات ابو محمد

[أبو مسعود]

الاخ العزيز والصديق القريب والاخ الحبيب ابو محمد


قد لا اقدر ان ارد عليك في هذا المجال وذالك لضيق الوقت لدي


ولكن اعدك بعوده وان كانت مؤولمه ستكون بأذن الله جميله


دمت بخالص الود والمحبه اخي العزيز


------


لو انك طالب الفروه بعطيك اياها بس انت ما تبيها ^_^

[فـارس]

الله يجزا بو مسعود خير اللي خلاك تكتب لنا ذا الموضوع الذي استمتعت به كثيرا

وخليتني افكر وش نوع فروة ابو مسعود