وانا شاعر من العجمان واعنز على العجماااااااااااان****

[منصور بن جعشه]

السلام عليكم ورحمة الله وبركاته


اهــــداء خــــاص لمــنتــدىمجالــــــــــــس العجــــــــــــــمان....


اتمنى ان تـــحوز على رضـــــــاكم قـــــــــبل اعجابكم....

يقول الشاعر اللي لانطق ينصت له الطربان= والا منه طرق يطرق جزيل الطرق من طرقي
والا منه بدع مايبدع الا خيرة القيفان= تغمض له عيوون الليل قبل يسافر الطرقي
وانا شاعر خذيت من البحور اللولو والمرجان= واهيم بكل وادي وادعي والاحي الورقي
تعلمت الجزاله من صغر سني وانا انسان= اقول القول قبل افعل والا من قلت من حقي
يهضني سواد الليل في صمتي وانا سهران= ويسحرني مغيب الشمس عند الساحل الشرقي
وانا شاعر من العجمان واعنز على العجمان= الامن حطني وقتي عشا لرماحه الزرقي
والا منه عواااا ذيب الغداري شامخ النيبان= عطيته رزقه المقسوم قبل اقبل على رزقي
يقولون البحر يروي واقول فبيتي المليان= سراب الوقت لو يطمع به الضميان مايسقي
انا ماقول متفلسف ولكني فصيح السان= ولا افرق مابين الناس الا عارفن فرقي
وعلى الرجال لامنه وقف يصهل صهيل حصان= وكسير الساق الامنه جبر يشكي من العنقي
بعدها شرهتي تلحق زماني والعقل ميزان= ليا هبت هبوب الشوق جف الدم من عرقي
ليامني ذكرت اللي عليها خافقي شفقان= يشوقني لها شوقي ويسرقني لها سرقي
ابلبس ملبس العزة واسرج مهرة النسيان= وامر الدار واعرض عليها كنني طرقي

وسلامتكم...تحيااااااااتي!!!

[منصور بن جعشه]

الرجاء من اخواني الاعضاء او المشرفين تنسيق القصيدة والله لايهينكم على انجازاتكم...وشكرا!!!

[الشيخه]

منصور بن جعشه


الله الله


ابدعت فى هذى القصيده بس اللى جازلى فيها بيت يعنى لى الكثير :

ابلبس ملبس العزة واسرج مهـرة النسيـان = وامر الدار واعـرض عليهـا كننـي طرقـي

صح الله اللسانك ولا هنت

تم تنسيقها حسب طلبك على الرحب والسعه للجميع

تحياتى لك

[العظــ سالم ــيمان]

الشاعر / منصور بن جعشه

صح الله اللسانك


وبيض الله وجهك

قصيدة جزله ومن جزل


ومنها للاعلى ان شاء الله


ولاتخلينا من نوادرك الجزله


تقبل تمنياتي لك بالتوفيق

[ابونايف الوعيلي]

الشاعر منصورر بن جعشه

صح لسانك


ولاهنت يالجزل


ابونايف الوعيلي

[منصور بن جعشه]

صح ابدانكم ولاهنتوا....تحيااااتي للجميع!!

[فيصل أل هتلان]

منصور بن جعشه

صح لسآنك وعتلى شآنك _ جزل وآبيات روعة

تقبل تحياتي

[خلاوي الشمالي]

لاهنتيامنصور وابيات روووعه فيها المعاني الكثيره من الجزاله

[سعد بن بصيص ال فنيس]

صح السانك

والله لايهينك

وبيض الله وجهك

[محمد نادر سويد]

الاخ منصور صح لسانك

وبيض الله وجهك

على القصيده الجزله

لاشك منشاعر جزل

لاهنت تقبل تحياتي

اخوك