الليال الغابرة

[براك بن ماجد العاكور]

	هذة قصيدة مرثية قلتها بعد قرأتي لنبأ وفاة الشيخ منصور بن ناصر بن جمعة العجمي رحمه الله واسكنه فسيح جناته ما الليال الغابرة ديم(ن) سور=لو برقت للناس وقالوا جديدة اليا حكمت في حكمها للبشر جور=ما هيب تاوي ولا تدرا شديدة مرحوم يا قبر(ن) ثوى فيه منصور=شيخ الشيوخ انا اشهد انه فقيده مرحوم يا شيخ(ن) له الطيب منحور=الطيب عقبه ما بقاله شريدة حت ايش لو الارض تملالها قبور=عقبه ما عاد الموت ياخذ وليده مير المنايا لا ارسلت جت على الفور=لا وامرت اقرب للرجل من وريده ليت المنايا تاخذ وتسمع الشور= كان الفدايا مال وايضا عبيده اما الكريم اللي له افضال وشبور=مثله حرام ان المنايا تصيده كان قطعت في كل ناقص ومثبور=وخلت خيار الخلق للي تريده فالمجد قاطع له محيطات وبحور=منصور ابو ناصر طبوعه فريدة كل الخصال الوافية فيه مشهور=رجل الثنا والمدح دروبه سديده وسع له الله قبره وحط له نور= وجعل الاعمال الصالحة من رصيده في جنة الفردوس وازواجه الحور=يحيا حياة المؤمنين المديدة ارثيه من قلب(ن) حزينن ومكسور=عقب الخبر جاني وقريت الجريدة اقولها من قلبي وصادق شعور=ولا اوفيه حقه لو امد القصيدة

[الخديدي]

اما الكريم اللي له افضـال وشبـور
مثلـه حـرام ان المنايـا تصـيـده


صح لسانك اخوي بس الشطر الثاني فيه اعتراض على قدر الله...

[سعود الخويطري]

فالمجد قاطع له محيطـات وبحـور
منصور ابو ناصر طبوعـه فريـدة
كل الخصال الوافية فيـه مشهـور
رجل الثنا والمدح دروبـه سديـده
وسع له الله قبره وحـط لـه نـور
وجعل الاعمال الصالحة من رصيده



اللهم امين والله يرحمه ويسكنه فسيح جناته




مرثية وقصيدة معبره من قلب صادق ان شالله





وصح الله لسانك يـ براك بن ماجد العاكور. . . وبيض الله وجهك




وتقبل سلامي واشواقي ومتابعتي ,,,

[عايض ال مطلق]

الأخ براك العاكور

مرحبا بك في المجالس

لاهنت على الابيات الجميله

والمرثية الصادقه (كماهو واضح من مفرداتها)

ورحمة الله على الفقيد (ابن جمعه)

واتمنى منك اعادة صياغة البيت الأول لكون هناك خلل في وزنه قد يكون من الطباعه (سقوط حرف سهواً او ماشابه)

وصح لسانك

وننتظر جديد مشاركاتك

تحياتي

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[عبدالله آل عامر]

مرحوم يا قبر(ن) ثوى فيه منصــور***شيخ الشيوخ انا اشهد انـه فقيـده
مرحوم يا شيخ(ن) له الطيب منحور***الطيـب عقـبـه مـا بقـالـه شــريـدة

صح لسانك وعلا شانك يا براك العاكور ورحم الله الشيخ منصور بن جمعة وأسكنه فسيح جناته

[فهد بن محسن]

الله يرحم ابن جمعه ويسكنه فسيح جناته

والله يجزاك خير على هذه المرثيه

تحياتي لك

[سعود بن تركي ( العديم )]

صح الله لسانك ولا هنت



الله يرحم ابن جمعه ويسكنه فسيح جناته


مع الود

اخــوك : العديم