خبزه تمشّى

[عبداللطيف الفضلي]

خبزه تـمشى في نواحي المديـنـه = شـافـت لـها بـيـن المخاليق خبـاز


قـالـت عـلامي وقت الاول متينه = والـوزن زايـد والطعم حيل ممتاز


عـلى جذوع النخل ناري لسيـنه = واليـوم مخبـوزه عـلى شبّــة الغـاز


حـالي تـراها ياجـماعة غبـينه = مـا أشبـع مـن النـاس يابوي معتاز


سالت دموعه من حـرارة حنـينه = لايّــام زيـــنــه لوبـها صار لـعـواز


يبكي على الذكرى بماضي سنينه = كنّــه يـهــزّه لاجـمل الـوقت هزّاز


قال اسـمـعي مني مشاعر دفيـنه = قـلـبي لوقـت(ن) فات يابنـت منحاز


ماهـو زمـانك ذا ترى اللي تبينه = هـذا زمـان البـوق واللـص يـجتـاز

[‏نظرات ملك]

صح لسانك يا الغالي على القصيدة الراائعة

[عبداللطيف الفضلي]

نظرات ملك


حياك الله اخوي وصح بدنك