استفسار يا عراف

[بعيد المدا]

السلام عليكم ورحمة الله وبركاته

قريت هذاه القصه والقصيده في احدا المنتديات وهل هي صحيحه ولي عنده زود لايحرمنا

ســلا عليكــم ورحمـه اله وبركاته ..
مساء الخير / صباح الخير ..
نشبت أحد المعارك بين بني هاجر والعجمان في مكان يقال له العضبا . وانتصر بنو هاجر على العجمان الذين كانوا تحت قيادة فهد الدامر وابن فاران . وارسل الشيخ راكان بن حثلين شيخ قبيلة العجمان القصيدة التالية ، يلوم فيها فهد الدامر وابن فاران ومن كان معهم لهزيمتهم ، ويتمنى لو كان حاضرا في المعركة .



العذر يالعضبا ترا البعـد iiخـوان= سترش بعيدن غايب عـن iiمحلـه
من طاوع الدامر وشور ابن iiفاران= اقفا وخلـى حلتـه فـي iiالمذلـه
يستاهلون أخوانا عقـر iiالضـان= من كان منهم مفلس جـاب iiحلـه
ربعا مخاضيب على العسر كرمان= وبشريـة للحـرب ماهـي تملـه



وعندما سمع الشاعر راشد بن عفيشه الهاجري بقصيدة الشيخ راكان أجابه بالقصيدة التالية ، ويقول فيها لماذا تلوم فهد الدامر وابن فاران على هزيمتهما وأنت نفسك كنت قائدا لمعركة بنيان ولم تنتصر .



يا راكب من فوق سلكات لقران=عوجا كما القيسان كنهن الاهله
فج المرافق عقر حثفات لثفان=يا ماشبن من راس ريدا مزله
مثل القطا لا واعدوهن بمعطان=وان حركوهن جن بالجري كله
من البحث تنشر مع وقت الآذان=والعصر في أم حويظ دربك تدله
والصبح ضربهن على بدو راكان=ويلا لفيته يا نديبي فقله
لو نسفهه في هرجته قال حقران=إلا نولم ردها حشمة له
قل ويش عذرك من فلاح وكمعان=وعرجٍ وخيلٍ الجوف عقرت عماً له
وقله ترى العضبا تفقت بنيان=ومنين ما راح علةٍ جات عله
هواجر من ساس جنبٍ وقحطان=نلحق شبوب الحرب شهبا وسله
هواجر من حربهم شاعفه جان=وضياغم ما خلقوا الا عناً له
من وقعنا اللى يمتنى الذيب سرحان=كم راس شيخاً من متونه نشله
إليا تلاقينا والارياق يبسان=لا كلحت الأنياب خطرٍ محله
ساروا علينا عقب ما بان فجران=العين شافت والفنا قرب حله
بمصقلات شغل صناع نجران=نروي المغلب والوديدي نعله
كله لعينا الغـر سحاب الاردان=ابودليقاً فوق متنه يهله
ازبن عاكف باشا يردد لك الشان=والغلب طوع وباقي الهرج خله

وعندما سمع الشيخ راكان البيت الأخير من هذه القصيدة قال : عسى اللي اخذ عيونه يأخذ قلبه
ويقصد بذلك راشد بن عفيشه إذ انه كان كفيف البصر .
وسلآإمتكم

[طويق.]

السلام عليكم ورحمة الله وبركاته

قريت هذاه القصه والقصيده في احدا المنتديات وهل هي صحيحه ولي عنده زود لايحرمنا

ســلا عليكــم ورحمـه اله وبركاته ..
مساء الخير / صباح الخير ..
نشبت أحد المعارك بين بني هاجر والعجمان في مكان يقال له العضبا . وانتصر بنو هاجر على العجمان الذين كانوا تحت قيادة فهد الدامر وابن فاران . وارسل الشيخ راكان بن حثلين شيخ قبيلة العجمان القصيدة التالية ، يلوم فيها فهد الدامر وابن فاران ومن كان معهم لهزيمتهم ، ويتمنى لو كان حاضرا في المعركة .



العذر يالعضبا ترا البعـد iiخـوان= سترش بعيدن غايب عـن iiمحلـه
من طاوع الدامر وشور ابن iiفاران= اقفا وخلـى حلتـه فـي iiالمذلـه
يستاهلون أخوانا عقـر iiالضـان= من كان منهم مفلس جـاب iiحلـه
ربعا مخاضيب على العسر كرمان= وبشريـة للحـرب ماهـي تملـه

ارحب يابعيد المدا

اول شي هذي القصيده اول مره اسمعها

وثاني شي الشاعر ذكر بشريه وبشريه من ال مره هل شاركو ال مره مع الهواجر على العجماااااان





العذر يالعضبا ترا البعـد iiخـوان= سترش بعيدن غايب عـن iiمحلـه
من طاوع الدامر وشور ابن iiفاران= اقفا وخلـى حلتـه فـي iiالمذلـه
يستاهلون أخوانا عقـر iiالضـان= من كان منهم مفلس جـاب iiحلـه
ربعا مخاضيب على العسر كرمان= وبشريـة للحـرب ماهـي تملـه



وبنشووف الي بعدي وش يعلق

[طويق.]

يا راكب من فوق سلكات لقران=عوجا كما القيسان كنهن الاهله
فج المرافق عقر حثفات لثفان=يا ماشبن من راس ريدا مزله
مثل القطا لا واعدوهن بمعطان=وان حركوهن جن بالجري كله
من البحث تنشر مع وقت الآذان=والعصر في أم حويظ دربك تدله
والصبح ضربهن على بدو راكان=ويلا لفيته يا نديبي فقله
لو نسفهه في هرجته قال حقران=إلا نولم ردها حشمة له
قل ويش عذرك من فلاح وكمعان=وعرجٍ وخيلٍ الجوف عقرت عماً له
وقله ترى العضبا تفقت بنيان=ومنين ما راح علةٍ جات عله
هواجر من ساس جنبٍ وقحطان=نلحق شبوب الحرب شهبا وسله
هواجر من حربهم شاعفه جان=وضياغم ما خلقوا الا عناً له
من وقعنا اللى يمتنى الذيب سرحان=كم راس شيخاً من متونه نشله
إليا تلاقينا والارياق يبسان=لا كلحت الأنياب خطرٍ محله
ساروا علينا عقب ما بان فجران=العين شافت والفنا قرب حله
بمصقلات شغل صناع نجران=نروي المغلب والوديدي نعله
كله لعينا الغـر سحاب الاردان=ابودليقاً فوق متنه يهله
ازبن عاكف باشا يردد لك الشان=والغلب طوع وباقي الهرج خله

وعندما سمع الشيخ راكان البيت الأخير من هذه القصيدة قال : عسى اللي اخذ عيونه يأخذ قلبه
ويقصد بذلك راشد بن عفيشه إذ انه كان كفيف البصر .
وسلآإمتكم

وش جااب فلاح وكمعااان الامير راكان يتشره على الدامر وفاران الاخوااان لزق ولصق بس ماافي نضر طبعن المعني في هذا اخواانا في مجالس او منتدي الهوااجر.

[ابومحمد الشامري]

مرحبا بالاخوة الكرام قرأت هذا الكلام كثيرا في المنتديات وترفعت في ابداء الرأي فيه ولكن دامه وصل لمجالس العجمان فسوف اوضح الحقيقة وابدي رايي .

فهد الدامر لم يعاصر الامير راكان بن حثلين في مغازيه الذي عاصر الامير راكان في المغازي عم ابيه بعيد المغزى فهد بن محمد بن دغمان ومحمد بن فهيد بن محمد بن دغمان والد فهد ويلقب بالدامر ولا يشاركه هذا اللقب احد وورثه الى أبنائه فهد ومن بعده عبد الله وعبد الرحمن.

محمد بن فهيد الدامر قتل في الصريف وفهد بن محمد بن فهيد الدامر قتل في القرن العشرين بعد الصريف بسنوات كثيرة بالتحديد بعد مناخ كنزان قتله حنشل من قحطان في الليل غدر وخيانه وليس في معركة وخذوا بثار فهد الدامر الوعله وراح ان شاء الله نفصل هذي الحادثه بعد توثيقها في المستقبل القريب

من خلال قرائتي لروايات بني هاجر وصلت الى يقين انها أخذت من مؤرخهم الكذاب ابن النعيرية الذي يزور في الاحداث والوقائع.
الراوية تقول انها على راس فهد الدامر وفهد ما لحق على راكان في مغازيه كما ذكرت سابقا فهد بن محمد بن فهيد الدامر كان صغير يوم توفى الامير راكان بن حثلين
طافت عليكم يا بني هاجر فحبل الكذب قصير
من ألف هذي الرواية كان يقصد فهد بن محمد بن دغمان وهو أول من لقب ببعيد المغزى ويحسبونه الدامر ولكن لقب الدامر جاء على ولد أخيه محمد بن فهيد بن محمد بن دغمان ولقب ايضا ببعيد المغزى وكذلك ابنه فهد وتوارثوا لقب الدامر ابنائه واحفاده
بني هاجر يبون فهد بن محمد بن دغمان وألفوا عليهم تالي سالفة وكذبه كبر جبل طويق وسموه الدامر ونسجوا عليه قصه وقصيدة على لسان راكان وجابوا الحطيئة عفوا اقصد ابن عفيشه الاعمى يقولها هاهاها.
فهد بن محمد بن دغمان ما كان يلقب بالدامر ولكن يلقب ببعيد المغزى كما وضحت سابقا علما ان فهد بن محمد بن دغمان هو عم محمد ( الدامر ) بن فهيد بن محمد بن دغمان والد فهد الذي ذكر في القصة.
لذا اختلط على بني هاجر بين ( فهد بن محمد بن دغمان + و فهد بن محمد الدامر )
لان التشابه في الاسماء كشف كذب رواة بني هاجر لانه صعب عليهم ان يفرقوا بين فهد بن محمد بعيد المغزى وفهد بن محمد بعيد المغزى فكلاهما يتشابهون بالاسم وباسم الاب وكذلك اللقب ولكن اللي يفرق ان فهد بن محمد الثاني يفرق عن فهد بن محمد الاول باسم الجد فجده القائم فهيد بن محمد بن دغمان ولكن فهد بن محمد الاول على محمد بن دغمان جد هم كلهم والفرق الثاني ان فهد بن محمد الثاني يلقب بالدامر حيث ورث هذا اللقب من ابيه محمد بن فهيد وفهد بن محمد الاول لا يلقب بالدامر.
فهد الدامر اللي قتل بعد مناخ كنزان بكذا سنه عمره يوازي تقريبا عمر الامير ضيدان راعي العيينه واللي مالحق على مغازي راكان هو ايضا.

[king الوادي king]

كفيت ووفيت يا ابو محمد

ولاهنت على التوضيح المفصل

اي والله حبل الكذب قصير

والله من التاليف من الراويه والمؤرخ والجغرافي والعلامه والفيلسوف والكذاااااااااااااااب والنصاب والمزور للتاريخ واللذي يدس الحقيقه ويغير الامور .........ألخ ((( ابن النعيريه ))

لاحول ولا قوة الا بالله

يعني يطلع سوالف وهي كلها على ذمته الله لايبلانا والله من الذمه الوسيعه اللي كبر الصمان

لا اله الا الله


قال الله تعالى (( كبرت كلمة من افواههم ان يقولون الا كذبا ))

[طويق.]

الله لايهينك يابو محمد

وبيض الله وجهك عزالله انك وفيت في كتاابتك

[جيفارا]

الاخ ابو محمد الشامري بيض الله وجهك ولاهنت على القصة .

[جيفارا]

الاخ بعيد المدا


هل معك مواثيق على القصة من غير تحريف في القصائد ؟

[ثامر الشميعان]

الله لا يهينكم

[بعيد المدا]

الله لا يهينكم يالربع على النقاش ولا كن نريد نقاشات في هذا الموضوع فقط ولا نذكر ابن نعيريه او الحطيئه لكي لا نفتح على انفسنا ابواب في غنا عنها ومحلفنا مافيهم اقصور انشاء الله وهذاه حروب مضت وانتهت هي واهلهاوسلامتكم

[بعيد المدا]

ارحب يا جيفارا هذاه القريته في المنتدا نقلته

وإذا في مواثيق انالا ادري عنها

[ابومحمد الشامري]

المشاركة الأصلية كتبت بواسطة بعيد المدا

الله لا يهينكم يالربع على النقاش ولا كن نريد نقاشات في هذا الموضوع فقط ولا نذكر ابن نعيريه او الحطيئه لكي لا نفتح على انفسنا ابواب في غنا عنها ومحلفنا مافيهم اقصور انشاء الله وهذاه حروب مضت وانتهت هي واهلهاوسلامتكم

مرحبا بالاخ الفاضل بعيد المدا انا ما فتحت الابواب ولكن كان نقاشنا في صلب الموضوع ولو بنفتح الابواب بعجزون رواة بني هاجر في اغلاقها.
وانا ما عندي اي مشكلة في فتح الابواب لمن أراد أن يفتحها.
اما ما قصدت في ذكر ابن النعيرية هو فتح باب خارج نطاق النقاش فهذا غير صحيح فنحن ذكرناه تفنيدا لمزاعم رواة بني هاجر لتوضيح الحقيقة.
واما الحطيئة فذكرته من باب الفكاهة حيث ان ابن عفيشه ذكر ابياتا في هجاء الامير راكان وكان الحطيئة هجاءا معروفا بهجائه عند العرب منذ فجر الاسلام ، ويكفي الحطيئة هذا البيت:

دعِ المكارمَ لا ترحلْ لبغيتها = واقعـدْ فإنّك أنـت الطاعمُ الكاسي

[منصور بالله]

99 % من أحداث بني هاجر في المنتديات.. ونعم بهم وبكل القبايل .. هي من نسج خيال محمد بن النعيريه الهاجري .. وتراه توفى قبل كم سنه

ويسولف علي شايب هاجري يقول .. ان واحد من كبار بني هاجر اسمه ابن عايد قام عليه وطرده أو بغى يضربه ومنعوه منه .. عشانه كذب في سالفة راكان يوم منع جدك يا ابن عايد لحقه على الخيل ثم تركه حشمة لبيه أو عمه .. وحرف الموضع ابن نعيريه وقال راكان لحقه واحد اسمه العوامي ومنعه ..!!!!

الخلاصه ان كتاب ابن نعيريه الإسرائيليات أوثق منه .. وتم رفض توزيعه في السعوديه والكويت لعدم حصوله على أدنى معايير المصداقيه .. فذهب لقطر وقام بنشره وتوزيعه على بني هاجر !

تقبلو تحيتي

[دمّي خليجي]

ابو حمد ما شاء الله على ادلتك المقنعة والي بيكذب ماعلينا منه ولاتلحقنا شكة في تاريخنا..نقطة ثانية مهمة فاتت الي الف هالقصة المضحكة
البيت هذا مكسور
العذر يالعضبا ترا البعـد iiخـوان= سترش بعيدن غايب عـن iiمحلـه

بعيدً التنوين كسرت البيت..و كلمة (غايب) مفروض بعدها تنوين ..
ياويلهم من الدكتور غسان