الفرحــة اللي على وجــه الزمان البخيل !!!!

[عويضه الوقدان]

أسعد الله أوقاتكم بكل خير


بعد فترة الغياب أقدم لكم هذه المتواضعه التي أتمنى لها المرور الى قلوبكم

,
,
,

الفرحة اللي على وجه الزمان البخيل=ماتت على كفها أحلامي وخليتها
الدمع في محجر عيوني يفيض ويسيل= مافادت الأمنيات اللي تمنيتها
الفرقا اللي بلا سبه تحط وتشيل=ماحبها ياعساها ينهدم بيتها
وجروحي اللي تزايد كل يوم(ن) وليل=لو المشاعر تحاكم كان قاضيتها
أنا زرعة المحبه دون ماأجني حصيل=ياليتني من دموع الشوق ماأسقيتها
دام المحبه بلا سيسان لازم تميل=وجة نظر من صميم القلب وأبديتها
نمسي ونصبح على حلم(ن) شعوره جميل=لكن عيوني من الأحلام صحيتها
تدري وش أكبر خطا بيَن في وقت الرحيل ؟=رجلي في درب المحبه معك عنيتها
ياالمرهف اللي عليك أحساسي ظل(ن) ظليل=ليه الخيانه في كأس الحب صبيتها
شكراً على اللي بدًر منك ولاني ذليل=نفسي عزيزة وعنك النفس عزيتها

[عايض الوقدان]

حجز ..


برجع يا مجرم

[مانع الوعيلي]

حجز2


ولي رجعــه

[M!Ss LeGeNd]

تدري وش أكبر خطا بيَن في وقت الرحيل ؟
رجلي فـي درب المحبـه معـك عنيتهـا

ابيات روـعه ماشاءالله
صح لسانك
وتسلم أخوي ع القصيدة الحلوة "
بانتظار جديدك

[ليــه يازمـــن]

صح الله لسانك

والحمدالله على الســلامه

[البندري القحطاني]

الفرحة اللي على وجـه الزمـان البخيـل
ماتـت علـى كفهـا أحلامـي وخليتـهـا
الدمع في محجر عيونـي يفيـض ويسيـل
مـافـادت الأمنـيـات الـلـي تمنيتـهـا


مطلع رائع .. صح السانك علاا شانك ..

أخوي عويضة الوقدان..

[الغروب]

الشاعر عويضه الوقدان

قصيدة جزلة وابيات مميزة

صح لسانك وبانتظار كل ابداعاتك

تقديري.

[someone]

صح السانك ياشاعرنا
ابيات جميله وخفيفه
لاهنت والله يعطيك العافيه

[اسامه الرشيدي]

الله الله

الشاعر : عويضه الوقدان

شاعر متالق في شعريه

ونص مبدع ورائع وجل

صح لسانك و بانتظار ابداعاتك

تقبل تحيتي

[مطنوووخ وكلي شموووخ]

صح لساااااااااااااااانك
ونشاء الله اخر الغيبات
تقبل تحياتي