. . .
. .
.
السلام اول عبارات التحايا=السلام ورحمة الله وبركاته
يامساء الخير ياخير الصبايا=إسمحي للفكر يهدي من بناته
من مشاعر شاعر ٍ عنده مزايا=جامع ٍ طيب الخصايل في صفاته
بعدها كل احتراماتي .. هدايا=من سمو القلب ,, عن باقي شتاته
اقتطف لك وردتين ٍ من حشايا=عطرها من صرخة الشوق وسكاته
الاوله : تحكي ترانيم وخفايا=بعدما كنيت شوقك من غلاته
بعد ماكنتي ضما بين الحنايا=وبعد ماكنتي فؤادي ،، ياغناته
صار مابه في حياتك لي بقايا=كيف رحتي والقلم يكتب وصاته ؟
وكيف رحتي ماتركتي لي وصايا=وانتي اللي زين قلبك من سماته
(بس ليتك يوم رحتي عن سمايا=ماتركتي القلب يعلن عن مماته)
ليت لو هي كلمتين ٍ بالشفايا=تختصر موضوع فرقاك وشكاته
بس انا آسف اذا صارت خطايا=واعتذر لك ،، لو حصل عندك ثباته
عادتي ،، مخلوق من بيض النوايا=متقي بالحلم عن درب الشماته
ماعطيتك لين قدمتي جزايا=بالهجر والصد .. وآقول شحلاته
منك لو تهدين طعنات وكوايا=بآتصبر لو طعون القلب جاته
كل هذا .. من شذا وردة سوايا=من سوايا كل من تغريه ذاته
وفي النهايه : ورده لزين الحلايا=جيت اقدمها ولو ماقال هاته
جيت اهني فيه اركان الزوايا=ياعسى عيد الفرح يملا حياته