يجوز الزعل

[عبدالله ال مجحود]

يجوز الزعل بالحب وواجب علي ارضيك = ولك حق تتغلين ولي حق مرضاتك
احبك ومولع بك وباقي بهواك ابغيك = ولا شفت منّك غير زعلك وصداتك
ياما جاتك اشواقي وفيض الغرام يجيك = معاذير بعدي عنك لا تقول ماجاتك
احب ضحكه لثغرك واحب نظره لعينيك = انا اموت في ضحكك ومابين نظراتك
واذا انك بتجفيني ماني قايل"ن وشفيك = عسى الله يسّهل ويثبت لخطواتك
ما شفتي قسى ظرفي وانا بالخطا ماجيك = وكل مازعلتي جيت ادوّر لبسماتك
ولا انتي تسامحتي ولقيتي عذر مغليك = وانا العفو مقدرتي وبالصد غلطاتك
ولو قلت ما همّي ترا عيني بتبكيك = ولا باكي"ن لك دم ولا اعيش رحماتك
اذا ودك بوصلي ترا الحبل بين ايديك = واذا بتبعدين فـ روّحي صوب مشهاتك

عبدالله ال مجحود

[الملتاع]

الشاعر المبدع عبد الله ال مجحود صح لسانك على القصيدة الرااائعة

[أســـيــر الــقوافــي]

صح لسانك يا عبد الله

[‏سلامي للاحبة]

صح لسانك يا الغالي ولا هنت على القصيدة الرائعة

[عساف ال محفوظي العجمي]

صح لسانك على القصيده والابيات الرائعه

[عبدالله ال مجحود]

المشاركة الأصلية كتبت بواسطة الــمــلــتــاع

الشاعر المبدع عبد الله ال مجحود صح لسانك على القصيدة الرااائعة

صح الله بدنك ولا هنت

[عبدالله ال مجحود]

المشاركة الأصلية كتبت بواسطة أســـيــر الــقوافــي

صح لسانك يا عبد الله

صح بدنك اسير .. مشكور اسير

[عبدالله ال مجحود]

المشاركة الأصلية كتبت بواسطة ‏سلامي للاحبة

صح لسانك يا الغالي ولا هنت على القصيدة الرائعة

صح بدنك والف شكر لمرورك وتواجدك

[عبدالله ال مجحود]

المشاركة الأصلية كتبت بواسطة عساف ال محفوظي العجمي

صح لسانك على القصيده والابيات الرائعه

صح بدنك يابو صالح ( اذا ماني بغلطان ) .. شاكر لك مرورك وتواجدك