خلق البشر

[عبداللطيف الفضلي]

سبــحان من يـخلق من الطير قرنـاس = ومــن الكـواســر ضيـغمٍ ما يــهابِي
ومن الرجال اللي خذ الطيب نومــاس = يــبغى الستـيره من كــلام الغيــابِي
ومنهم له الهــيجا كما افراح واعـراس = يــجنــدل الـفرسـان يــوم الحرابِي
ومنــهم حكيــم وثـاقب القـول مـقـواس = لـه حكـمةـٍ في حـل كل الصعابِي
خلق الـبـشر يفـرق به اطياب وانـجاس = هـذا اصيــل وذاك كـلــه خــرابِي
مــعــدن بـعــضهم في تـواصيفه نحاس = وبـعضه ذهب وصفه يبيله كتابِي
يــاحــي قــومٍ فـعلــهـم يــرفــع الــراس = خضع لشـيـبتـهم جميع الشبابِي
في مـجلـسٍ عـالي رفـيـــعٍ عـلى سـاس = مجلس كرم ماصك له يـوم بـابِي
أشــتـــاق للــقــهـوة تــقلـــّب بــمحماس = تشب نارك والحطب لك يــجـابِي
دق النـــجــر واطبــخ لنا اليــوم بـقياس = ســمــرا حـسينه حسنها ما يعابِي
يــاريــحة القــهــوه ترى طيب الانـفاس = بـــهــارها هيــلٍ بـصفــرٍ عذابِي
عـز الله انـي في هــوى الكيف محتــاس = مـن دونــها تصبح حياتي سرابِي
ويا ما حـلا الجلسه على رمـل الاطعاس = في ليـلةٍ قـمــرا وومضة شــهابِي
نــجــومها تــضوي لها اشــكال واجناس = زيـنــة ســمانا ماحـلاها عــجابِي
وصـــلاة ربي عـــد مــاهـــب نســنـاس = وعداد ماسال المطر في الشعابِي
على نــبــيــنا المـصطــفى سيّــد النــاس = اللي مــسح بالـحق كل الريـــابِي

[فالك طيب]

عبداللطيف الفضلي

صح لسانك علي الابيات الجزله أخي الكريم

وأسعدنا تواجد ومشاركتك

وأعجبني هذا البيت

ومن الرجال اللي خذ الطيب نومــاس = يــبغى الستـيره من كــلام الغيــابِي

الستيره والله هذا الوقت تشتري بفلوس

لاهنت وتقبل مروري

وفالك طيب

[عبداللطيف الفضلي]

إذا كانت القصيدة طيبة فهي مسرورة بمروركم الكريم


صح الله بدنك يالغالي



لك مني أجمل وأزكى تحية

[فهيد الكفيف]

صح السانك

[عبداللطيف الفضلي]

فهد الكفيف



صح بدنك