يا صاحبي زد بالوصل

[فلاح الشدقاء]

[SIZE="5"]السلام عليكم ورحمه الله وبركاته
وأسعد الله أوقاتكم بكل خير[/SIZE]

ياصاحبي زد بالوصل والعن ابليـس=لاتحسب انـي بعـد ماغبـت ناسـي
تاه الفكـر يـوم ابتلتـه الهواجيـس=الوقت قاسي وانت لـك قلـب قاسـي
طبـع الليالـي مبعـدات المراميـس=لكن ترى الهجران هـو كـل باسـي
علمتنـي جـرح المحبيـن تدريـس=واتعبت قلـبٍ منزلـك فيـه راسـي
هذا الجزاء ولا الحظـوظ المناحيـس=ولاكتـب ربـي فـراق وتـواسـي
يالله سترك ويش خـرف المغاريـس=دام الوفاء والصدق دربـي وساسـي
بلقاء النوايا البيـض قدمـي مقابيـس=ولايجـي تنجيـم كنـزي نحـاسـي
حبٍ مكـن بالقلـب مالـه مقاييـس=رقمـه يحطـم كـل رقـم قيـاسـي
واخير.. نطلع مـن هوانـا مفاليـس=ويصير مـن بعـد المحبـه تناسـي
ان جاء الفراق اقنعت ما ابغى مجاليس=شافت عيوني فـي المحبـه تباسـي
لوشافت عيونـي عيـون القرانيـس=والله ماضنيـت تـجـلا عمـاسـي
اليوم صار الحـب هـدم الاحاسيـس=والهم في الخاطـر جبـالٍ رواسـي
عشت بمشاكل حلهـا مابعـد ريـس=يعجز بهـا حتـى النظـام الرئاسـي

تقبلوا اجمل تحياتي واجملها
أخوكم / فلاح الشدقاء الوعيلي

[الجلمود]

صح لسانك اخوي فلاح ..

ابدعت في القصيدة ..

وفالك طيب

[منصور الاحمدي]

صح لسانك

[فلاح الشدقاء]

الجلمود ـ الرومانتيك
الله لا يهينكم وجمل حالكم
وصح بدنكم ومشكورين على التواجد
سعدت بحضوركم ودمتم بكل خير

,

[مترك العمره]

ياسلام

الشاعر القدير/ فلاح الشدقاء

صح الله لسانك ولاعدمناك .. وفي انتظار الجديد المذهل

تحياتي لك وتقديري

[حــســن الــعــذاب]

صــــح لــســـانــكـ