أكــرار وأمــرار

[سعد بن عدال]

صلّـــوا على محمّـــد

إن كان ماتدري ترا الثوب ستّار = لولا الستر كان أكثر الناس مبغوض
لا تجحد أهل الدار في داخل الدار = الحق مهما قلت ياهيه مفروض
تمشي خطا وعيون خلق الله كبار= ولا دريت إن جسمك جروح ورضوض
إحفظ صلاتك قبل ما تارد النار = واكسب نعيم الدار في خمسة فروض
لو قدّر الله يجعل لفمّك زرار = يمكن أقول إنك مشبب ومحضوض
عزّ الله إنك من صفا الخطّر مجار = وإنك من إعجاب أغلب الربع مرفوض
لاتحسب إنك مالك إعجاب الأنظار = اليوم واحد في ( 100 ) واحد يعوض
فان كان شفت صغار تخشاهم كبار = هذي تراها كان ماتعلم حضوض
أنا نصحتك عدّة أكرار وأمرار = وتقول أنا ما شوف والبارق ينوض
ما تدري إن السوق مليان تجار = وعلى البضاعة صار تخفيض وعروض
أمتارنا بأميال وأميالك أمتار = والفرق يارجال بيّن وملحوض
بينك وبين مطاول العز مشوار = قدّم ملف أخضر وصورة ومعروض

وسلامتكم

[سعد بن عدال]

ملاحظه للمشرفين / أنا قائل القصيدة

[shmoo5_ al_ajmy]

الحمدلله والصلاة والسلام على رسول الله وعلى آله وصحبه أجمعين

صح السانك ولاهنت علي ماقدمت

[بندر العجمي]

الله الله



صح الله لسانك والله لايشينك على القصيده الطيبه

[MONT BLANC]

صح السانك على القصيده الجزله