محاورة بين صاحب السمو الامير متعب ابن ثنيان ابن محمد آل سعود و نجل شاعر يام

[عامر الحجرف]

هذه المحاورة جرت بين صاحب السمو الامير : متعب ابن ثنيان ابن محمد آل سعود
المعروف بانه امير شعر المحاورة بين الشاعر : مبارك ابن علي ابن بلال نجل شاعر يام
وذلك بتاريخ 11 / 5 / 2009 في قصر سمو الامير و بحضور عدد من الشخصيات والشعراء

( الامير )
عسا الله يجيب الورد والمسك والريحان ،،، على شان اشوف الناس في كل موالي
اشوف الدهر قاسي وانا دايمٍ ٍ زعــــلان ،،، وهاذي حياة الناس راحل ونزالــــــــي

( مبارك )
عسا الله يجيب الخير ويجمع الشتــــان ،،، ولا يفرح الشامت ولا يرخص الغالــــي
يا بحر الندى ضد العدا مكرم الضيفـان ،،، طويل الذراع امعرب الجد والخالـــــــي

( الامير )
صديقك ليا شفته تغير كما العـــــدوان ،،، ولابه رجل وافي على كل رجالـــــــــــــي
انا بنشدك عن فارسٍ يتعب الفرســان ،،، تغيب عن الاوطان والوقت ميــالــــــــــي

( مبارك )
صديقك وفي ٍ لك وتلجالك العربــــان ،،، ليا صار فالشــدات طيب وبطالـــــــــــــي
ابلغك عنه دايمن يقهر العـــــــــدوان ،،، بمتعب ومتعب شــاربن كل فنجالـــــــــــي

( الامير )
صديقي علامه ما يكلم على الصدقان ،،، وياخذ علوم الناس والعلــم يبرالـــــــــي
يقولون به مشكل وانا فارسٍ عطشان ،،، ليا كبرت الهيجــا يجي الارض زلزالــي

( مبارك )
لك الحق تشره وانت مثل الجمل زومان ،،، بدونك دلي العد تضــرب على الجالي
ولا ياخذ الوافي عن اهل الوفا نسيـــان ،،، ياطيب النوايا لو نشـــكك بالاعمالـي

( الامير )
عسى الله يوفقني وينقضي على الشيطان ،،، على شان ما يفسد على الصاحب الغالي

******

قام بنقلها لكم الشاعر : عامر الحجرف ...اهداء الى منتديات مجالس قبيلة العجمان
وإلى متابعين شعر المحاورة ( ترقبوا الجديد قريباً بأذن الله تعالى )

[مانع الوعيلي]

لاهنت ياعامر الحجرف على نقل المحاورتين الرائعتين للشعار متعب ال سعود ونجل شاعر يام
ويعطيك الف عافيه

[ابوعبدالرحمـن]

عامر الحجرف

لاهنت على جهودك

وفي إنتظار منك كل ماهو جديد

فائق الإحترام

[عـســاف]

( الامير )
صديقك ليا شفته تغير كما العـــــدوان ،،، ولابه رجل وافي على كل رجالـــــــــــــي
انا بنشدك عن فارسٍ يتعب الفرســان ،،، تغيب عن الاوطان والوقت ميــالــــــــــي

( مبارك )
صديقك وفي ٍ لك وتلجالك العربــــان ،،، ليا صار فالشــدات طيب وبطالـــــــــــــي
ابلغك عنه دايمن يقهر العـــــــــدوان ،،، بمتعب ومتعب شــاربن كل فنجالـــــــــــي

>>>>>>>>>>>>>>>
الله الله على الشعاار بس ابي انشدك الامير ينشد مبارك عن شخط هل يقصد ابو مبارك على بن بلال

[هادي بن فهاد]

عامر الحجرف

لاهنت على جهودك

[عامر الحجرف]

مانع الوعيلي ... ولا انت وحياك الله وشرفنا مرورك

[عامر الحجرف]

بو عبدالرحمن .. حياك الله ولا انت .. وشرفنا مرورك

[عامر الحجرف]

طويق .. حياك الله وشرفنا مرورك .. والمعنى في بطن الشاعر

[عامر الحجرف]

هادي بن فهاد .. حياك الله واسعدنا مرورك

[^<الماجـــلان >^]

عامر الحجرف

لاهنت ف الاختيار


وسلمت اناملك ع النقل الطيب


اخوك :: الماجلان