بحر إلهواجيس ,, مصافحه أولى

[علي بن فطيس]

السلام عليكم ورحمه الله وبركاته

مسيكم بالخير جميع؟

حبيت أشارك هالكوكبه الرائعه من شعراء المنتدى ,, وأضع بين أيديكم هالمتوآضعه عسى تنال أعجابكم


//

//

البارحه كثرت علي الهواجيس = قامت تلاعبي على غير مقياس
أسمع طبول الراس تضرب مراويس = وأصبحت في بحر الهواجيس غطاس
يلعنبوها من بنات الأباليس = هاجوس يسري بي وهاجوس رواس
قامت تهايالي كثير الكوابيس = خطر علي اليوم في قطع الانفاس
حملي ثقيل وزايد(ن) بالمقايس = والشيب بيّن من خوافيه للراس
والوقت جاير والليالي معابيس = والحظ طايح في ذرى الوقت منداس
والعين تحبس دمعها بالمحابيس = تخاف من بعض البشر وأكثر الناس
أهل النمايم والحكي فالمجاليس = ناس تغرس الشر في دربي غراس
بعض البشر ياحبها للدنافيس = اللي لها وجهين وقلوبها أنجاس
الله خلقهم في زمان المتاعيس = لاطاب مقعاد(ن) ولا جاز مجلاس
ضاقت بي الدنيا وكثر الوساويس = أصبر على ذالوقت وأقول لاباس
لابد من يوم(ن) تهب النسانيس = تشرق علي الشمس ويهب نسناس
وأسقي عروق القلب وأروي الميابيس = وداعب أوراق الزهر وأطرد الياس
لاشك من يوم(ن) تهد القرانيس = والحر له في ساعة الوقت مفراس

[ناثرة الورد]

كل الشكر و التقدير لشخصك الكريم اخي ::

علي بن فطيس ....

كلمات رائعه و احساس جميل

تقبل ::

كل الشكر و التقدير

[محمد نادر سويد]

الاخ علي ابن فطيس صح لسانك

ويعطيك العافيه على القصيده

الجزله المميزه لاهنت

تقبل تحياتي

اخوك

[محمد الغيثاني]

لابد من يوم(ن) تهب النسانيس = تشرق علي الشمس ويهب نسناس
وأسقي عروق القلب وأروي الميابيس = وداعب أوراق الزهر وأطرد الياس
لاشك من يوم(ن) تهد القرانيس = والحر له في ساعة الوقت مفراس

علي بن فطيس شاعر ومبدع وجزل

اللــــــــــــــــــه يجعل بالنسانيس

تقبل مروري واعجابي

[علي بن فطيس]

شكرا حياتهاااااااااااا على المرور

باذن الله نرضي الجميع

[علي بن فطيس]

اشكرك يابن سويد على المرور


ولا لكم الا طيبه الخاطر

[علي بن فطيس]

مرحبابك يالغيثاني لاهنت على مرووووووووورك

[سعود الخويطري]

علي بن فطيس


أرحب أرحب يابوحماد والله يحيك




وصح الله لسانك ولاهنت مليار



وبـ أنتظارك دائما


وتقبل سلامي واشواقي

[مسفر مبارك]

سلميت يمينك وصح لسانــك .........!
/
نتريا جديـدك ...........**
/

[علي بن فطيس]

مرحبا حياك الله ابن دحوه

ولاانت شاكرلك على مرورك





تقبل تحيات






علي بن فطيس