ياالله يامنشي من الغرب الاأمزان
أفرج لعين نومها ما تذوقه
قد لي وانا لاناموا الناس سهران
قلب العنا كل الطواري تسوقه
سوق السحاب اللي تتالا مسيان
لاهلت امزانه ورفت ابروقه
واعوي كما يعوي من الجوع سرحان
والكبد من جور الزمان محروقه
خان الزمان وعادة الوقت خوان
يقطعش دنيا من ومنها تبوقه
كانت تواعدني بتقديم الاحسان
وانا احسب انها قبل هذا صدوقه
وسود الليالي خانت الشيخ راكان
الفارس اللي جمع خصمه يسوقه
سبع سنوات بالسجن طير حوران
وعاد ورجع للدار واظهر احقوقه
والتم شمله مع ربوعه والاخوان
وشاهد عقب طول المغيبات شوقه
هذى هي الدنيا ودورات الازمان
والختم صلى الله على نسل عدنان
اعداد ما هلت مزون حقوقه
للشاعر جابر الشويرب المري