السلام عليكم ورحمة الله وبركاتة
هذي أول قصيده أشارك بها هنا .. أتمنى أن تنال على إعجابكم ..
بمجمّـع البستـان حققـت الأحـلام=وشفت الهنوف اللي خيالي رسمهـا
بالعين شـارت لـي تحيّـه وسـلاّم=وأنا اللبيـب اللـي بقلبـه فهمهـا
وخلف اللثامه بان ضحـك وتبسّـام=ورد المحيّأ ما احرقه جمـر فمهـا
لا الوصف جايبها ولا رسـم رسّـام=وبالخلـق خلّـت غيرهـا يحترمهـا
أشوف حتفي يـوم تغضـي بسلهـام=من مقلة(ن) ماهـو يوقـع سهمهـا
أصيلة(ن) تلعـب ولا شالـت لجـام=ولزمتهـا حتـى درت مـن لزمهـا
هيبة شجاع(ن) يسحب الجيش قـدام=والأرض بشّت يـوم شالـت قدمهـا
أحبها من قبـل لا اعـض الإبهـام=والرابـح اللـي فرصتـه يغتنمهـا
أحبها والقلـب عـن غيرهـا شـام=لا شـك نفسـي بالغـرام تحكمهـا
وياحبّ قلّي كيف تقـواك الأجسـام=وراعي الهوى من شاف حاله رحمها
يصبح عليّ الصبح والجفـن مانـام=وعيني على الهاتف اتّحـرى رقمهـا
النايف
30-09-2006, 01:14 AM
العرض العادي
