اعتبرها محاوره ساخنه بينى وبين عبيد 
ياسلام الله على اللى يبعد العلم ويجيبه=العرابى شاعر المعنى ورجال المهمه
يالعرابى يوم شفنا جابها شكه وريبه=ماشقينا والزمن مانمدحه ولا نذمه
مرحبابك يامسلّم في محلٍ نعتزي به=والعرابي لو نواكم حطكم في جوف كمه
الهدف به واحدٍ يخطيه والآخر يصيبه=أحد يفزع يم خاله وأحد يفزع يم عمه
انت لا نرميك رمى مقيط ورشاه ابقليبه=لا عطيتك علم ضمه لا عطيتك علم ضمه
فالجبل 60 ذيب وفالسهل 60 ذيبه=وانت اشوفك من مطمه يالعرابى فى مطمه
اللسان حصان وإبنادم ترى ربك حسيبه=وآنت ماتدري عن البارود لين إنك تشمه
قايد الطابور ماخارج مع جنود الكتيبه=الجنود ملكعه والجندي الطارف يخمه
يالعرابى ياجبل كل النشاما تلتويبه=كل نشمى من غلاكم مرخصِ ماله ودمه
الكتيبه شافت القايد رماها فى مصيبه=وانت من دونه ومن خلفه وكم عفشِ تلمه
كل سوق نبيع به لازان ولاّ نشتري به=يارويس العجمي اللي مانفخه إلا معمه
آنت تدري ما هجر قلب الحبيب ألا حبيبه=إذبحوا داب الخباره وإسلموا من شر سمه
انت ابو وجهاَ حسن والوجه الاخر وش تبيبه=عين تنظرى لى بها والعين الاخرى تلد يمه
ديسها ماصره الا من ترجى فى حليبه=مانقلت الهم يومِ العرابى زاد همه
مامعي وجهين أنا ابو جه واضح ينبدي به=وإن بديت بعلم يابدر آنت تدري كيف أتمه
مايحس الجمر غير اللي يصالي في لهيبه=مير اشوفك طاوي حبالك على عشرين جمه
السوالف مزح لو ان الصحيب ابلش صحيبه=والعرابى مالحقه الباس لو ربعه تخمه
كل جرحِ عندنا طبه ويبرا من طبيبه=عدِ يغثرب ترانا ماوردناه وندمه
السوالف مزح ولاّ جد من رد الذهيبه=والعرب في كل عام مقرره للقدس قمه
من غصبه الوقت في شيٍ يقول إنه رضيبه=يدعي برضاه لو إن الزمان الشين غمه
23-06-2006, 09:03 PM
العرض العادي
المواضيع المتشابهه
