تفَآصِيْـل [ ـي ] ..!

[نيَـة فراق ..!]

لو بدا للحزن في وجهي [ مواري ] ؟ = لا يهمّك والحزن تبّت يدينه !
مومنٍ بـ / أمر الولي ، والحكم جاري = واحمد اللي سن حكمه واستعينه
كل ما قام يتبسّم لي نهاري ؟ = جعل ليلي ما تشيب رموش عينه

[نيَـة فراق ..!]

طال الغياب وصوت مرسال الغلا ما من مجيب ! = للي دماره من ظنون الوصل لـ / اسباب الغياب
لو سقت ظنّي فيك يظلم درب ، ويضيق الرحيب ! = لكن على بيض النوايا جيت كافيك الجواب
حبّك غريب الدار ، والتوقيت واحساسه غريب ! = وانا غريب يعدّي الاحباب شرهات العتاب
غريب مالي في حياتي لا قريب ، ولا حبيب = باعوني الاحباب ، والاقراب سنّوا لي حراب !
ما أظنّي أوّل من عطاه الوقت طعنه من قريب = ولاني أوّل من تجرّع بـ / الهوى مر العذاب
ولاني أوّل من هقا [ هقوه ] وهقواته تخيب ! = ولاني أوّل من حفت رجله ورى طرد السراب
مع إنّي أوّل من صنع من ذاته لذاته رقيب = لاجله حياتي مرجّحه بين التصابي والصواب
وانا ادري ان الآدمي بعد الخطا لازم يصيب = هابيل ما دلّه على درب الصواب الا الغراب !
هذا انا تمشي بي الدنيا على [ حظ ، ونصيب ] = والا الحياه ؟ أغلى مكاسبها يجي تحت التراب !

[نيَـة فراق ..!]

بديت استعيد اللي مضا وافتح الاقفال = عسى نعمة النسيان ماهي بـ / مذبوحه !
علاقه وزالت ، مير [ تأثيرها لازال ] ! = أكابد نتايجها ، والاشواق ؟ مسموحه !
تخاطف عيوني كيف أحيل الغلا واحتال ؟! = ولي عين مستوره ، ولي عين مفضوحه

قضينا وبـ / احكام القضاء تقنع [ العقّال ] ! = وكلٍ عن الثاني سحب روحه بروحه !
لو ان الجفا قاسي ؟ يهون الجفا لا طال = عسى الله يوفّق كل مسلم لـ / مصلوحه

عسى الله يوفّق كل مسلم لـ / مصلوحه
عسى الله يوفّق كل مسلم لـ / مصلوحه
عسى الله يوفّق كل مسلم لـ / مصلوحه

[نيَـة فراق ..!]

شطحه :

يا جماهير الشقرديّه ، وجمهور المكاين = وجماهير البرازيل ، وجماهير الآزوري
ويا جماهير النجوم السود في كل المداين = استعدوا واسمعوني زين لا تخطون شوري
جايكم [ ميسي ] معه فرقه وكل العلم باين = ما يوقفهم دفاع ، ولا تفاتيش المروري !

[نيَـة فراق ..!]

حظوظنا .. ؟

ما تجتمع [ شوف عينك ] !

من يجمع

الحظّين اذا كانوا بع ـاد ؟؟


عيّا البخت !

لاعاد تتع ـب [ يدينك ] ..


يااا كثر ما :

حاولت ، لكن ما فاد .. !


مكتوب :

أعيش الع ـمر ، واذكر سنينك !


واحن لك ،

واشتاق في كل [ ميع ـاد ] .. !

[نيَـة فراق ..!]

تعذّر ؟ لابلاش انك تعذّر ابتعد مسموح = تراضيني سنين البعد كان البعد يزعلني !
علي لا ينشغل بالك ولو كلّي غديت جروح = تهمّلني ربع ، واحباب و [ الله ما يهمّلني ]

[نيَـة فراق ..!]

Exit


أبطى !

ولا ادري وش سبايب دعاويه .. ؟


وش مقصده :

يومه عن الع ـين [ غايب ] .. ؟!



هو ليه :

يخلف عن حياتي [ هقاويه ] .. ؟


هو ليه :

غاب ، إبلا [ علوم ، وسبايب ] .. ؟!

[نيَـة فراق ..!]

Enter + Exit

ماعندي شي أضيفه اليوم إلا إني أقولكم [ تخرجت ]






حصدنا اللي زرعنا اليوم ، وشفناها [ نتايجنا ]
نجحنا
ويا عساها دوم ، ودوم الله يوفّقنا ..
نبي هـ / اليوم نتشارك ، ونجمع كل حبايبنا ،،
وكل اللي يبي يبارك بـ / فرحتنا يشاركنا

[نؤؤؤؤؤؤؤؤؤؤف]

جعله مبـــــآرك :$

وَوَوَ ياحــظــش

وبالتوفيق يارب ومنها لأعلــى

ركنش مميز :0015:

[شامخه بعز ابوهاااا]

بڪل معاني الغلا ...والهمس والهلا
بڪل معاني الحب ...والود والذوق
بڪل عطر الربيع ...والزهر والغدير
أقول لڪ مبروڪ عليڪ التخرج"~



آآآآآآآآآآآآلف مبرررررروك يـآلغـلآ ومنـهـآ للآعلى يـآرب .,.