تفَآصِيْـل [ ـي ] ..!

[نيَـة فراق ..!]

عزّتي للي سواتك يا بحر = في حدود القاع مسجون وحزين :(
فوق ما بك من معاناة وقهر ؟ = شلت في صدرك [ هموم العاشقين ] !
لا نصاني الضيق والحزّه عصر = أعقد حجاجي من مفارق ضنين
وأزبنك خايف من عيون البشر = واكتم العبره وأكابر فـ / الونين
ليتني ألقى جواب من القدر = لا خذا [ أغلى البشر ] بـ / اروح وين ؟ :(
الحزن والهم ودروب السهر = أشهد إن مالي لها عذرٍ سمين
والهنا والضحك ودموع الصبر = درعها ماهو على خبرك متين
يابري حالي وأنا قد لي [ شهر ] : = لـ / الطواري ولهبايبها سجين .. !
والشهر في حسبة أشواقي / دهر ! = والثواني صارت بـ / عيني [ سنين ]
شفت وس سوى غيابه يا بحر .. ؟ = لان له عزمي وعزمي [ ما يلين ] !
ما وفيته لو أقول إنه [ قمر ] = والقمر يضوي ويسري عقب حين
بس هذا غير لا منّه حضر ؟ = في مسا أو صبح لـ / العالم يبين !
يا بحر هو بيت فيه المختصر = واسمعه ، ثم وصلّه لـ / العالمين
ذاك له عمري واذا راح العمر ؟ = [ عظّم الله أجركم يا مسلمين ] ! :(

[ عظّم الله أجركم يا مسلمين ] !
[ عظّم الله أجركم يا مسلمين ] !
[ عظّم الله أجركم يا مسلمين ] !
[ عظّم الله أجركم يا مسلمين ] !

[نيَـة فراق ..!]

، ،

حبيبي ؟ بحر أحاسيس الغرام وساحله ، لولاه = لـ / اخلّي مركب العشاق للعشاق ما اطبّه
يغيب ، ولا يغيب الا عن عيونٍ بكت فرقاه = بنت له فوق مرقاب الضلوع الناحله [ قبّه ]
عطاني ما تمنّيت وبغيت ، وما تمنّى ؟ جاه = عسى الله يحفظه لأمه ، وابوه ، وعمّه الدبّه :)
وانا اللي قبل أعرفه ما عرفت الحب كيف اجواه ؟ = مجاهيم اللّيالي تاكل بـ / قلبي وتشرب به
هلا / واهلاً ، هلابه وين ما حل ونزل حيّاه = ألم العمر بين يديه ، لو يرضيه واصبّه
واقدم له خفوقٍ ما يحب الا مثل [ شرواه ] = على حبّه يعيش ولا يموت الا على حبّه
حبيبي يا بعد عمر القصيد وياهوى معناه = هواجيس الغرام تلامس الاحساس واكتب به
تعال وخل عنك اللي يمينه كنها يسراه = ترى دنيا البنادم غبةٍ من دونها غبّه
وانا اوعدك بـ / غرامٍ ما خطر في بال من سوّاه = تذاكره القلوب وتطرق دروبه وتعجب به
فداك اللي على المقفي رفع صوته وشق ارداه = فتح باب الملام ولا درى الا الريح تلعب به
وفداك اللي يبور بصاحبه لارحم ابو مجناه = ياليته بعد ما صلّى صلاته خاف من ربّه
بعد طول انتظار ونار ، واستنفار ، ومعاناه = يموت الحلم ، راع الحلم ماباعه ولا كبّه !

[نيَـة فراق ..!]

Exit


دامك مع ـي .. ؟

وأنا

مع ـك لين ما أموت


لا تلتفت لـ / الناس

واطررررد

[ ظنونك ] .. !

[نيَـة فراق ..!]

Enter


ماهو ضروري نع ـتذر

[ يوم نخطي ] .. !


بع ـض الع ـذر لـ / الذنب .. ؟

مثل الاعاده .. !

[نيَـة فراق ..!]

[ ]

هلا يا مرحبا بك يا هجوسي وابرك الساعات = ليا منّا تعاهدنا على الطيب وتصافينا
غيابك كل ما طوّل يزيد الشوق والآهات = وحضورك يبعد احزانٍ تربّت في محانينا
تمر أيّامنا عجله وتتثاقل بنا الخطوات = ويطول ابنا الطريق اللي نعنّيه ويعنّينا
وتسير اقدامنا دايم على ذكرى زمانٍ فات = نعيش الواقع اللي بين حاضرنا وماضينا
تعبنا ، والتعب يجتاحنا ما بين ود وهات = هذا حظٍ يعاندنا ، وذا طيفٍ يسرينا .. !
صبرنا لين مل الصبر منّا ، واغلب الاوقات = مشاعرنا تذكرنا ، ودنيانا تنسينا
تعب حرف القصيد وملّت الفكره من الابيات = وحنّا كنّنا في تالي الايام ملّينا
تقول ان الشعور احيان يفتر والهجوس تبات = تقول إنّا تغيّرنا وضاعت كل امانينا !
تقول إنّا عطاشا ما لقينا فـ / الحياه افرات ! = ليا منّا ظمينا منه ، نشرب لين يروينا
يموت الشعر في صدر الغريب وكل حرفٍ مات = على قبره يضحّكنا [ شطر ] مدري يبكينا !
تخيّر فـ / الدروب ولاعرف خير الدروب ايات =ما يدري إنّا نعوم ولا لقينا [ ساحل ومينا ] !
قدرنا ما جمعنا يوم صرنا فـ / الحياه شتات = فلا قلبٍ يحن إلنا ، ولاعينٍ تراعينا ! :(

~

[نيَـة فراق ..!]

يضم جوّالي [ اصدارات جوّالك ] = متعدّده بين / مقروءه ، ومرئيّه
ترسل علي كل ما تشوّقت لـ / وصالك = [ رسائل مشفّره ، ورموز سريّه ] !
افك شفراتها وادري شـ / على بالك = واحمّل الرد الاقمار الصناعيّه
لا يابري حالي ، ولا يا بري حالك = البعد يضني النفوس وكيّته كيّه
اشتاق لك دوم في حلّك وترحالك = وابني على الذكريات [ احلام ورديّه ] !
واتخيّلك لين كنّي واقف اقبالك = ما باقي الا تضم [ ايدينك يديّه ] .. !

[نيَـة فراق ..!]

Exit


ابع ـد ، ولكن :

[ خل عندك درايه ]


ان الاسبوع بـ / [ غيبتك ] ؟

ما هو اسبوع .. !

[قضى ليل الهوى طلابه]

ايدينك يديّه


نيّه


ترى ماغير اوايق


ولنا لقا في الليالي المقبلات

[نيَـة فراق ..!]

المشاركة الأصلية كتبت بواسطة قضى ليل الهوى طلابه

ايدينك يديّه


نيّه


ترى ماغير اوايق


ولنا لقا في الليالي المقبلات

هههههههههههههههه

فديت خشتس

>> تسمع [ هلابش ]

لاعدمت هـ / المروور

[نيَـة فراق ..!]

Enter


ما لقيت من الغ ـرام الا :

[ ضياع أيّامي ] .. !


ولا ربحت من المشاعر غير :

[ خيبة ظنّي ] .. !


،،


كنت أعيش اجل سنيني ،

و [ الأمل ] قدّامي .. !


وانع ـميت ، وضاااااع :

[ مفتاح السع ـاده ] منّي !