[ شذى الجوري ]

[خالد وبس]

لا جيت نفس الطريق .. اللي يودي لي = ما ابيه يبقى ورى صدرك .. تنهّاته
تذكّر اصغر مزاياي .. وتفاصيلي = ما غير انا .. وانت .. والحب .. وحركاته
واحساسك اني لحالي .. فرق .. عن جيلي = خلاّك .. تجري مع الدم .. وكرياته!

[خالد وبس]

لو انتبه للطواري .. والتفت فيها
يمكن اواصل حياتي كلها .. ضايق




من طيب راسي اناظرها .. واعدّيها
اما اني اعيش ضايق !! ماهو بـ لايق !؟

[خالد وبس]

سبحان من حط لك ميزه .. وخلاك
تفرق عن الغير .. من راسك ، لا رجليك


كل شي يلبق على جسمك .. ويزهاك
ذبحت خلق الله اللي .. تلتفت فيك


من سلم .. من شامتك .. والا شفاياك
وشلون يسلم من رقبتك .. وعينيك


ماشفت فالارض انا .. مثلك وشرواك
عزالله انك عذاب .. اللي حواليك


حتى الحزن .. صار ميزه من مزاياك
مع ان حزنك .. يقطّع قلب مغليك


اعيش جوّك .. تقول ان كني اياك
ياجعلني ما انحرم منك ..ولا ابكيك!

[خالد وبس]

هواجيـس ..!

يا راعي العيون الحور والحاجب .. المرسوم = فديت القوام اللي لا شفته .. شرح صدري
بسولف معك والجو .. برد ومطر وغيوم = احب السوالف معك .. لو كنت ما تدري
جعلني قبل يومك .. لو بليل والا يوم = علشان اموت وعادني خابرٍ .. قدري!

[خالد وبس]

يا منشغل عني .. وانا منشغل فيك = دخّلت في صدري من البعد .. حره
تعوّد لساني على كلمة (ابيك) = واشتاق لك فاليوم .. مليون مره
يمرّني طاريك .. واقوم البّيك = لله در الحب .. لله دره
ما جابني في عقر دارك .. واراضيك = الا الغلا .. واشواقي المستمره!

[خالد وبس]

مع سبق الاعتذار والترصد ؟!

ما بين الشفاحه ..والطمع .. والانانيه = تماديت في حبك وعشقك .. وغثّيتك
لكنّي بدويّ وطحت لي .. في رومانسيه = ولاهوب ذنبي يوم جيتك .. وحبيتك
من العام وانت تهز قلبي .. بحنيه = وخليت كل اللي تمنّاني .. وجيتك!

[خالد وبس]

مشاعر .. فقط لاغير ..!

انا نظرتي فالحب .. ماهيب نظرة طيش = شعوري وطن .. واغلا الاحاسيس .. محتله
(ف) عسى الخفره اللي في هواها .. بديت اعيش = ما يحرمني الله لذة اعجابها .. كله
احس بخمول .. ان شفتها تنثني .. بشويش = لها قد .. لا يُعلى عليه .. وخصر دله
تسيطر عليّ بنظرة عيونها .. واشيش = كما الفارس اللي فالوغى .. ما برد غله
ولا تنظر لغيري .. سوى نظرة التهميش = انا اللي مليت عيونها .. بد خلق الله
مع ان اكثر العشاق .. من غير كيف .. وليش = يحب .. وليا منّه لقى اللي يبي .. ملّه
وانا .. اعوذ بالله من (انا) .. ما طلع لي ريش = سوى يوم شفت اقرب طريقٍ .. يوصل له!

[خالد وبس]

سوالف شويعر ..!

فديت من تجعل الرجال .. رجال = بنتٍ عليها .. يطيح الحظ .. ويقوم
من دونها .. ذابحٍ (20) .. خيال = فالمعركه جيت بلحالي .. وهم قوم
حطيت فقلوبهم رجفه وزلزال = واخذتها والسما .. عجاج وغيوم
بنتٍ عليها الحلا .. مبطي ولا زال = اثره صحيح العرب .. معطى ومحروم
لون رقبتها يذوّب .. كل سلسال = وانفاسها من شذى .. جوري ويشموم
يحق للخصر يستمتع .. ليا مال = مضمّرٍ بطنها .. والساق مبروم
والخد له قصةٍ مع .. حبّة الخال = يا لعنبا الخال .. والا جعله القوم
خلاني اغار من حبه .. وهو خال = وانا على غيرتي .. مانيب مليوم..!

[خالد وبس]

همسـه ؟!

احس بحراره داخليه .. وفيني فوح = لو ان قلبي من اللي يراودني .. مجمّد
يابو محمّد ان كانك على نيتك ! .. مسموح = تفضل وعبر عن شعورك يابو محمّد
ترى الشك بابٍ .. لا مسايف ولا مفتوح = لكن لي عيون تشوف .. ولآهي برمّد
طلبتك تخف .. ولا تزيد الجروح .. جروح = معي قلب لو يِجرح .. ما عِيّن له .. مضمّد
انا وانت جينا .. وامتطينا .. سفينة نوح = نصارع بها الامواج بين .. الجزر والمّد
اكل ما تبي .. يا جعلها عافيه وصحوح = لكن لا تمد ايدك علي .. وانت متعمّد..!

[خالد وبس]

لكاعة عاشق ..!

كم كلمةٍ .. لو بغيت اسدل ستايرها = خفّاقةٍ كنها .. السيفين والنخله
والناس .. لو تخفي اللي في ضمايرها = ما شفت "مجنون ليلى" .. وش يورّخ له
وين انت يا أسمى عباد الله .. واطهرها = خليتني منحني .. والروح منشخله
علاقتي معك .. وشلون آتصاغرها = لو تبتعد .. والوصل عاده .. على بخله
(ف)..ياللي عليه اعذب من المبتلي .. وارهى = وصلّه .. ارسالة اللي قام .. يبذخ له
ما كل حاجه امررها .. وابررها = حتى لو اني احبه صدق .. وارضخ له
الكشخه اللي على الفاضي .. يوفرها = اهمس له بصوتك .. وقل : ويش تكشخ له؟
دام التفاصيل عارفها .. وخابرها = ما ابيه يكشخ سوى .. في ليلة الدخله..!