اللغز يبي شاعر يحله( تم الحل بواسطة ابوعبدالرحمن)

[ابوعبدالرحمـن]

هادي بن فهاد
صح لسانك
ولنا عوده

[ابوعبدالرحمـن]

السلامـ عليكمـ ورحمة اللهـ وبركاتهـ

إستلم يا بو فهاد

والسموحه على تواضع الأبيات

سلآم يدري به هل الغرب والشرق = يابادعٍ لغزك على قافية إيم
ومن بعدها جاتك كما سرعة البرق = رمعه فريده ماتبي زود تقييم
لاإحترت بين أمرين وشكيت بالفرق = ( صل إستخاره ) وإلزم العلم تلزيم

[هادي بن فهاد]

وعليكم السلام ورحمة الله وبركاته


ارحب يابو عبدالرحمن وصح السانك


الرمعه الي قلتها كنها البرق .....مرة ولا جانا من امزونها ديم


مالك لوا

[نسل يام]

اقولها ياهادي وافهم الفرق=هذي خلقها الله سبحانه العظيم
هذي اصابع اليد وصح الطرق=والا انا غلطان والا غشيم

[هادي بن فهاد]

الله الله

صح السانك ‏نسل يام

الحين بجبلك بيت

[هادي بن فهاد]

ارحب يانسل يام وصح السانك بس والله اني بحاول اكتب البيت في وقت ثاني


والرمعه مالك لوا

[هادي بن فهاد]

اللغز يقول

ياويش بنت عن خواتها بها فرق :
.......................................سر خفي يعرفه من حده الظيـم

ينصى الفتاه ويمها ينسرق سرق :
.........................................ويخمهـا ويظمهـا ظـم تلزيـم

ويرجع يكمل لعبة الحرب والدرق :
.........................................حتى يفوز ويحطم الخصم تحطيم

[عامر الهاجري]

ما دام لغزك يالحبيّب يبي طرّق=سهّل على الشيبه ومن نوّر الغيم
والرمعه الي جاتكم تسبق البرق=ان وافقت ولا ترى كنسل القيم
لعبه واسمها يا هل الغرب والشرق=بنت السبيت وسمّها يا عرب ميم

بنت السبيت

[هادي بن فهاد]

الله الله

‏شعف السنين صح السانك ورمعه مالك لوا

[وافي بن وافي]

صباح الخير
اخواني الاعزاء.. ترى مايجوز تكرار الكلمات في العجز والقافيه
مادام انها قد جات في البيوت السابقه.. تحياتي ايها الشعراء...