يسمو الخيال وفكرة الترويج للعرض الاخير=ضمن النطاق المتسع تحت البنود المؤلمه

[مسفر مبارك]

يسمو الخيال وفكرة الترويج للعرض الاخير=ضمن النطاق المتسع تحت البنود المؤلمه
افكار تطرح من ترف واصداء واقعها مرير=تهلك بها النفس الفقيره والعقول الملهمه
تحريف فكره عن حدث مجهول تنفيذه خطير=يأنف عن استثناء تقريري بحجه مجرمه
دمج الراوابط منطلق أدى الى سوء المصير=يكشف سيوف الكارثه والحربه المستسلمه
عالم من الاغراء لايأبه لصرخات الضمير=يهتك ستار المجتمع في ظل غدر العولمه
تمويه ظاهر باطنه منسوج من سلك الحرير=يترك معالم لهفتي رهن العيون المغرمه
رشوه يمونها الزمن تصدم بها عفة فقير=ترفض تمادي فكرتي في نسج خيط المشئمه
تمجيد راقي ينتمي للموج والبحر الغزير=وأسماء تركض من جهل صوب الدروب المظلمه
بريت نفسي من هوى نفسي ومن شور الشوير=والكلمه المتبجحه ماهيب في وجهي سمه
دورات كوكب في فلك تجري على خط وتسير=تستأذن الشمس بمسا والنجم يضحك مبسمه
شاعر يفاجأني خطا النظره من الشخص الكبير=لاقام يلعب بالشخط وانا بناري مفحمه
يتلف عصب فكري وتجرحني نسانيس العصير=واعاكس خيوط الحضاره بالهجوس المضرمه
مهضوم حقي وانقهر من دمعة الطفل الصغير=اللي ليا منه طمح في شي دمعه يخدمه
دنيا تحدك والمدى فيها قصيرٍ في قصير=والشخص شيبه لو رحم ماظن كبره يرحمه
الشيب منا يزهمك والقبر واحكام القدير=يعني طموحك همهمه في همهمه في همهمه
لا ليس من باب العدل ظلمي وانا شخصٍ جدير=على اتخاذ الموقف اللازم بفكره مبهمه
تبقى البداوه سيدة فكري على في وهجير=شاعر وابدَع واعتبر فكري وشعري ملحمه
نقائضٍ يقصدبها شعر الفرزدق معـ جرير=والناس يوم تأخر الشاعر ويوم تقدمه
تعبير والشجنه بقلب الحر نار وزمهرير=والبوح في صدر الورق من فضل ربي مكرمه
تخالفت الاراء في العين الضريره والبصير=ناس تبوح الهم للعالم وناسٍ تكتمه
والتهمه اللي بالاصابع شفتها يمي تشير=جرحٍ مكني يعتذر قلب الهواوي يكضمه
طعنه ورى بسمه ولمحة حزن في وجه البشير=ساعات يهزم لوعته واحيان هي من تهزمه
تفزع هجوسي فزعة ابن عباد من طعنة جبير=على مبادي دمعة المكسور لا جف قلمه
بطره جحدها من جحد وازمة قطيرٍ من قطير=هذاك ورد ناقته واللاش صدر بغنمه
سرج الخيول وخنجر الرجال وشداد البعير=أشياء من عمر الزمن تبقى كنوز مخضرمه
ثورة مشاعر هزة اعماقي وياشعار خير=خيال من راسي بنيته صعب شاعر يهدمه
في الكف ذا الموت الحمر والكف ذا السيف الشطير=موضوع يرحم من وقف عنده وحاول يفهمه
صلب التعمق في بحور الشعر والمعنى الغوير=يغشى الندم من زبنه والعز من سيل دمه
والفرق واضح بين صلب العظم والعظم الكسير=كلمة صراحه قلتها والذود حولي مرزمه
تساؤلات ومبتكر واضداد واعداد ونظير=تصرخ بجوفي والحشى ينزف ومبلومٍ فمه
تجري الرياح وريحي يانود للعرض الاخير=ضمن النطاق المتسع تحت البنود المؤلمه

[عـسـاه خـيـر]

لاهنت اخوي مسفر والله يعطيك العافيه على النقل الجميل
قصيده رائعه صح السانك والسان شاعرها

[عـسـاه خـيـر]

لاهنت اخوي مسفر والله يعطيك العافيه على النقل الجميل
قصيده رائعه صح السانك والسان شاعرها

[مسفر مبارك]

أررررحب يبــو بدرولاهنــت علــى مرورك ياذيــب

[مسعطر]

أي والله القصيدة.... يا ليت لو نعرف شاعرها ؟؟؟ يا ابو مبارك ؟؟

و صح لساااااااااااانه و صح إختيارك الجميل..

و انت دائماً مبدع يا ابو مبارك..

تقبلي مروري و تحياتي..

[مسفر مبارك]

أأأأرحب يامسعطـــر تراحيــب الحيــا

شرفنـــي مرورك يابعــدي

والشاعر هـو مهدي بن سميطــان اليامـــي