اختصار محاورتي مع الشاعرالاستاذ/ بدر العجمي((سلام الله عليكم يا محلفنا))

[سلطان ابوديه]

السلام عليكم ورحمة الله وبركاته

هذه المحاوره جرت بيني وبين أستاذي الشاعر{ بدر العجمي }

في هذ الصرح الشامخ

ونظرا للإصلاحات التي يمر بها المنتدى فقد فقدت الصفحه الثانيه منها

وكنت احتفظ بها في ارشيفي الخاص فأحببت ان أوردها لكم بشكل مختصر

=سلطان ابوديه
سلام الله عليكم يا محلفنـا مكرميـن الجـار=تحيه والتحيـه مـن غلاكـم جيـت اثنيهـا
على العهد القديم اللي مضا وانواصل المشوار=كذا عز القبيلـه يابـدر مـن عـز عانيهـا
=بدر العجمي
هلا يامرحبا ياهل الوفا والمرجله والكار=تراحيب الوفا لهل الوفا والمسك قافيهـا
على عهد الرجال الاوله مابه يمين يسار=علوم المرجله والعز (ف) اولها وتاليها
=سلطان ابوديه
يدوم ابك البقا والسلعه الاولى لها تجار=ما دام انك مجودها ترانا ما نخليهـا
الا يابدر مابين الرجا والياس والاسـوار=بعد عز الحياه اللي خذيته وانت راعيها
=بدر العجمي
ياسلطان الدلال الصفر تملاها النشاما بهار=مدام ان العرب عاداتها تـزرع مباديهـا
ليا شفت الغيوم مغيمـه تحـر للامطـار=وتلقى الحاجه الى بين بايعهـا وشاريهـا
=سلطان ابوديه
الا يالزير سالم كيف ذللك الزمان وجـار=تذكر ماضي ايام(ن) مضت وايجيك طاريها
نشوف الخيل قرح واتسابق داخل المضمار=ولكن الولايه ضايعه مـن عقـب واليهـا
=بدر العجمي
مابعد القوه الا الضعف هاذى حكمة الاقدار=ومن يحفر لخوه المسلم الحفره يقـع فيهـا
نبى حل القضيه مير نشب اللوح فالمسمار=ودرب اصحابنا فيه الحصاه الى تدربيهـا
=سلطان ابوديه
الا يا شيب عيني كل ما تشخص لك الأنظار=لشك الذنب ذنبك والسواه اللـي تسويهـا
تطول وحلها في عالم(ن) ثاني عليه ستار=ولا نقنع بتحليل القضيـه عنـد قاضيهـا
=بدر العجمي
ياسلطان انت يوم انك حكمة بقبضت الجبار=تباريك العـرب واليـوم ريـح ماتباريهـا
نشوف الى تشوفه والعلوم اطوال ولا اقصار=وكاد ان الدعاوى عند حاميهـا وحراميهـا
=سلطان ابوديه
بعد ذقت المراره هالزمان وبانت الاثـار=لو الحجه لها برهان منكرهـا ونافيهـا
لكن سلم على بحر الخليج وعاتب الانهار=ترا يمكن بعد بكـره تعنينـي واعنيهـا
=بدر العجمي
ابدرجها وحايلها ومهما صار مهما صـار=(وانا الى من قديم الوقت طابخها وشاويها)
مع بحر الخليج الى تقوله يبترم معصـار=طوانى الياس منه وربعكم كبرت علابيها
=سلطان ابوديه
تعبنا واجتهدنا كم نصحنا الثعلب المكار=كذا طبعه من اولها يكحلهـا ويعميهـا
ولا انت بعدنا راخص لكن الستر ياستار=نصافح كل يد(ن) مالنا حيله نقاويها
=بدر العجمي
ترا اسباب النصيحه ماتفيد الا مع الشطار=يعرفون الدروب وربها فالحـق هاديهـا
نهايت هرجنا وختامها فالعنبـر الفـوار=وصلى الله على محمد وهذا البيت ينهيها

وللجميع خالص التحيه والتقدير

[حبيب]

سلطان صح السانك والسان بدر العجمي

ولاهنت على نقل المحاوره

[فهد بن محسن]

صح لسانك ياسلطان

وصح الله لسان بدر

لاهنت على هذا الجهد

تحياتي لك

["بدر العجمي"]

لاهنت يا سلطان وانت واحد من اهل المحل طال عمرك
والمنتدى يحتاج الى النظر فى بعض الملاحظات عليه

شكرا لك
والبركه فى ابو حمد ولعله يسمع الندا والملاحظات

والبركه فى ابو سعيد (حبيب)
والبركه ابو محسن (فهد)

[سعود الخويطري]

الله لأيشينك يالقرم



وسلمت وسلمت يمناك على المحاورة الطيبة




وبلا ادنى شك انكم شعراء كبار ونتابعكم دائما




وصح الله لسانك ولسان الاستاذ بدر




تقبلوا سلامي

الخويطري

[فلاح اليامي]

اررررررررررررررررررررررحب ياسلطان

وربي انك جززززززززززززززززززززززززززل

قصيدك وافي ومحاورتك جزله


صح والله لسانك

ولسان بدر العجمي

اخووووك فلاح