جاير الوقت

[عبدالله آل عفيفه]

بسم الله الرحمن الرحيم السلام عليكم ورحمة الله وبركاته مصافحه أولى أضعها بين أيديكم عسى أن تنال على إعجابكم

عسى الله يجيبك ضايق من الحزن مقهور = جريح(ن) وتشكي جاير الوقت والحاجه
ومن حزن كبدك ماتبين لك المستور = علوم(ن) ترجع ناوي الدرب لأدراجه
وأمور(ن) بقلبك ماشفاها دوى الدكتور = همومن تفكك حصنك العود وسياجه
وتجيني بعدها تلتفت خاطرك مكسور = تحاول تفك الباب وتزيح مزلاجه
ولا عاد يفرق عندك الصح والمحضور = طريق(ن) دخلته ماتعرف أنت مخراجه
وليا صرت ماتسمع من الطيبين الشور = ترى الليل ماينفعك مسراه وسراجه
لكنك صغير وجاهل(ن) بالزمن يا 000 = ورجلك على درب الردى دوم دواجه
ولو كان ماسويت يكتب من الطبشور = مسحته وربي يغفر ذنوب حجاجه
لكن البلا في داخل الصدر وألا الزور = سجين(ن) يأس من ناطق الحكم بأفراجه
وإلى كنت في دنياك ياصاحبي مسرور = مصير الذي قد راح يآتيك بعجاجه

[روح العنا]

كلمات قوويه ..

يعطيك العافيه ...

[سيف ربعه]

صح الله لســـانك واعتلا شـانك ,, وافيــهـ وجزلـهـ

تقبل مروري

[نوارة]

صح الله لسانك

ماشاء الله

[عبدالله آل عفيفه]

المشاركة الأصلية كتبت بواسطة روح العنا

كلمات قوويه ..

يعطيك العافيه ...

الله يعافيش ولا هنتي على المرور

[عبدالله آل عفيفه]

المشاركة الأصلية كتبت بواسطة سيف ربعه

صح الله لســـانك واعتلا شـانك ,, وافيــهـ وجزلـهـ

تقبل مروري

صح بدنك ولا هنت على المرور والتعليق

[عبدالله آل عفيفه]

المشاركة الأصلية كتبت بواسطة نوارة

صح الله لسانك

ماشاء الله

صح بدنش ولا هنتي على المرور والتعليق

[ثامر الشميعان]

الله الله
صــح لسانك والله لايهينك على القصيده