فــلت شعرها وانتثر فوق الأمـــــتان **** يازينها يوم يتموج شعـــــــــــــرها
فــلت شـــــــعرها كنه الليل فـــــــتان **** ليلٍ نجومه في سواده نثـــــــــــرها
فـــــلت وحلت وحــلحــلت قــلب ولهان **** وفــكت قـــفــولٍ غيرها ماقــدرها
وقام الشعر يلطم على بيض الاوجان **** وفيني رياح الشوق يلطم بحــرها
وقامت تغطرف وغطرفت كل عـــشقان **** غـطروفــتي يازين لـمّت شعـرها
أشـــــوفها في واحة الحب بســـــتان **** وهاذي عروقي ثابته في شجـــرها
أشــــــوفها ريمية الحب سلطـــــــان **** هي آسره قلبي وقلبي أســــــــرها
أشــــــوفها في مـركب الزين ربــــان **** وضاعت مجاديفي وأنا في بحـرها
ياويشها ويش يشوش بالإشجان **** وش طولها وش عودها وش نحرها
عامين عشت الحب والقلب هـويان **** ليمن بذور الشوق ورّق زهــــــرها
واليوم ما أملك من الماضي إنسـان **** حتى الصور راحت ومعها صـورها
اقـفــت سليل السيف والعود ريـــــان **** اقـفــت وأنا في موقفي وانتظـــرها
اقـفــت وقلبي يطعنه كل مطـعــــــان **** وغابت عن عيوني محاجر نظــرها
اقـفــت ملامح طيفها شوف الأعيـان **** واقـفــت خواطر ناظري مع أثــرها
قلبي مثل دار بعد لحظة أمـــــــــان **** بحكم الزمن قصف المدافع دمـــرها
ياقلب وش لك بالهوى دام خــــــوّان **** مسكين تامن نار واطي جمــــــرها
ياقلب وش حدك على طور هامـــــان **** يـاقــو باسك كان ترجي خبـــــرها
ياقلب أنا حطيت للحب عنـــــــــــــوان **** وهاذي عناوينه وهذا كــــــــدرها
كل ما نسيته اذكره وسط نســـــــــيان **** مع نسيتي له صورته احتظـــــرها
ليلي ظلام وزوده ظلم الأحـــــــــزان **** واشكي ظلامه تحت ساطع قمــرها
وأنا للذات الكرى صرت ولهـــــــــان **** ياليت عيني تهتني في سهــــــــرها
واليوم أنا اسقي بخاطري كل ظميان **** واشكي ظمأ لو سال وابل مطـــرها
لاخير في دنيا بها الـــــــــود ماكـان **** ولاخير في ناس ربو في دهــــــرها
هذا القلم يكتب قصيده وهجــــــران **** حبر القلم هاذي دموعه نثـــــــــرها
خذ هالقصيده من دفا ورد ريحـــــــان **** قصيدةٍ هزت معاني زهـــــــــــرها
خذها أبيات لو توزن بميـــــــــــزان **** ترجح معانيها على من حـــــــزرها
خذها وبلغ كل مطرب وفنـــــــــــــان **** عله بصوت الحزن يزعج وتـــرها
خذ هالقصيده وانشر السر بإعــلان **** واحفر على صفحة زماني قهـــرها
12-11-2010, 12:03 PM
العرض العادي
المواضيع المتشابهه
