السلام عليكم ورحمة الله وبركاته :-
تجديد تواصل وقصيده جديده ارجو ان تشفع لي عن طول الغياب ولكن الظروف يعلم الله خارج عن الاراده
يا وليفي لا تـخـلـّـي وليفك باختبار=لدّ لي يا اغلى الاصاحيب واسمع ما يلي :
المواجه قام يدفعه طول الانتظار=والمفارق وجه ذيبٍ تعشى له طلي
لا تخليني الضحية وتكسر الاعتبار=رد شي ٍ من شموخي واقول مجملي
بين لو يخفض جناحك وطيحة الانهيار=شعرةٍ هزّت ضميري مع مستقبلي
من سببها عايش بين غار وبين نار=كل ليل هموم قلبي تفيض وتمتلي
فارحم اللي عيشته من على شانك دمار=لا تقول ان رحت وان جيت "فالمخرج ملي"
ما يهين آلادمي غير تقليل الوقار=ولا يحس بحاجة الشي غير المبتلي
فان بغيت آذوق طعم المفارق باختصار="فالله الوالي ولا فيه غير الله ولي"
ما بقى لي غير ليلٍ تقفّاه النهار=بابتعد وآشدّ حملي وابا اسوق جملي
فان بغيتي قبل هذا بتغيير القرار=فارحبي يا اغلى من اغليت من ريحة هلي
وان طرى لك علم فرقى عقب "حسن الجوار=ماني بقايل "مقيطٍ تقفاه الدلي"
دامني في كل الاحوال معطيك اختيار=اخذ ما طاب وصفى واترك الباقي علي
وســلامــتــكــم