لتأكيد التواصل
لاحت بروق ورابطت بارض الايمان=وكسفت الشمس وتبادى زعلها
والريح تلطم تالع ن جاه طوفان=والرعد يزمل والمغاتير بلها
للغيم هماله ولا سهيل سمران=للورد فواحه ولا الطير تلها
اثر القمر قفا ولا خان الاوطان=يلي ربى مع نجمها ما خذلها
حيابك انطقها عن الانس والجان=تعداد مالغيمه تزايد وبلها
ياذا الزبيدي فرحتي فيك ميزان=رجح غلاتك عن بلادي واهلها
مرسولك احيا ميت ن مات ولهان=واجتز من روح العواذل عذلها
من لايعرف الشهد يمرخ به الضان=ومن غايته الجوزا حشا ماوصلها
من فرقد افعاله القوابيس عميان=ومن جرهد اقواله خيالي كللها
حتا المراجل ترتكي فيه لازان=ولا المعاضل كل ابوها عضلها
جرة خصاله كلها لو ومرجان=نسنس بها الغربي وبارك عملها
لانه نجد بنت المكارم والاخوان=من اسر رديان العروبه وزبلها
قرم ن يماني له مجاهيم قحطان=يبري خواصرها ويشقي فحلها
من مذحج الي طالت المجد بسنان=كن الولي من فوق سبع ن صقلها
مخلابها خلا الرجاجيل شتان=فرقه قتلها الخوف واخرى نفلها
يحكي بك الي مارقى شرفة الشان=كل معتلى خطوه تهادى ونزلها
طلتك شبت والمهاديف عيدان=قلي على الله يامسيكين قلها
ارحب بدار ن هدها شيب الاركان=لانه على ماقيل بعدك عللها
وسوالم