قصيده لشاعر الراحل بندر بن بن سعود (رحمه الله)

[نجلا قحطان]

القصيده اعجبنتني وحبيت انقلها لكم
اتمنى ان تنال اعجابكم


قالوا تحبه قلـت مـا هـوب بالحيـل
-بس انه أغلى شوي مـن نورعينـي


يسوى جميع الجيـل الأول وهالجيـل
أحبـائـي الماضيـيـن والمقبليـنـي


شوقي له أعظم من ظما الأرض للسيل
وأشفق عليه أكثـر مـن أم الجنينـي


وأحتاج له حاجة ثرى مصـر للنيـل
وعليه أغار ولو مـن مـا للوالدينـي


أشتـاق لـه شـوق المحبيـن لليـل
وأرتاح له راحـة دمـوع الحزينـي


لا صار جنبي لو سنه وقتـي بخيـل
ولا غاب لو لحظات صارت سنينـي


قالوا يحبك قلـت هـذا هـو الويـل
ما ودي أنشـد ثـم رفضـه يجينـي


وأهدم رجاي بدبرتي مثـل مـا قيـل
والأفضـل أحيـا بالأمـل لولحينـي


يا حبكـم يـا نـاس للقـال والقيـل
والأمـر لـو سهـل يصبـح مهينـي


خلوني أحيا في الوهـم يـا عواذيـل
وش دخلكـم والأمـر بينـه وبينـي

تحياتي
نجلا