اتمنى انها ترتقي لذائقتكم...
يالجوهر المكنون يالـدر يالمـاس
يالعملة الصعبـة ويحلـى سنينـي
فيك الأدب والذوق مبني على ساس
وفيك الحسن طاغي وعقلٍ رزينـي
أسقيتني بالحب كـاسٍ ورى كـاس
وذوّبـت قلـبٍ ماهقيتـه يليـنـي
غديت مثل اللي على كـف حبّـاس
يبغـى المطيـر وجـوّده باليدينـي
قربك غناتي يا بعـد كـل هالنـاس
وإن غبت عن عيني تزايد حنينـي
منزلك في عيني وقدرك على الراس
وبين الحنايا ساس حبـك متينـي
لا تلتفت واحذر سواليف الأنجـاس
اللي هدفهـا البعـد بينـك وبينـي
( احذر ) وصية حطها بين الأقواس
لا تستمع لأهل الحسد يـا ظنينـي
فوّحت لك دلة على حـر الأنفـاس
اقلط وخذ فنجال يـا نـور عينـي
دلة مشاعر تحتوي صدق الاحساس
وفنجالهـا عمـرٍ تسوقـه يمينـي
للشاعر:خالد السبيعي