اهذري بك و أغني بك ( انا اهواك انا اهواك ),.,.,

[خالد بن ضيدان]

رحلت ومقصدي كله اعيش العمر لجل انسـاك=نسيتك ؟ لاحشى واللي خلق راسـي تناسيتـك
تناسيتك نعم لكن بقـت فـي داخلـي ذكـراك=بقى في داخلي زولك بقى فـي داخلـي بيتـك
أشوفك في وسط عيني وأغمضها عشان امحاك=واشووفك داخل جفوني إذا غمّضت [ ضمّيتك ]
[أضمّك] واشتكي طيفك على طيفك بدون إدراك=وانا في غربتي ليتـك تحـس بحالتـي ليتـك
ورى عوج الضلوع ألقى بقايا ضحكتك والقـاك=وأسافر لك وانا حيّك واسافر لـك وانـا ميتـك
نقشت [أسمك] على عرق الخفوق اللي فقد يمناك=واذا مرّ النفـس صـدري تذكرتـك وحيّيتـك
شهور مرّت وانا قلبي يعيش بضيعتـه بحمـاك=بـدون أسبـاب لاتسـأل ليـا منّـي تمنيتـك
أهذري بك واغني بك ( أنا اهواك أنا أهواك )=وأمـرّك تايـهٍ .. واذكـرك لامنـي تعديتـك
حبيبي طالبك تكفـى سألتـك بالـذي سـواك=وش اللي يمنع عيوني ليا جيتـك وراعيتـك ؟
تحاكمنا على الفرقى بـدون اسبـاب يامقسـاك=تخالفنا .. تعدينا الحدود .. ورحت خليتـك ..
كذا مامن سبب يشرح نهايـة قصتـي ويـاك=تكبرت .. وتكبرت .. وتحديت .. وتحديتك ..!
تفارقنا ودمعات [القهر] تخشـع علـى فرقـاك=وبلاي اني من دموع الـوداع المـرّ واسيتـك
حبيبي والفضا كله مساحـات وسمـا وافـلاك=يضيق وغيبتك قشرا .. وانا جيتـك وناجيتـك
مدام ان الغياب اللـي يداعـب غربتـي فتـاك=أمانـه لاتجاهلنـي .. وانـا للوصـل ناديتـك
صحيح اني تجاهلتك وخليتك عشـان [انسـاك]=ولكن والذي سوى عروقـي .. بـس تناسيتـك
تناسيتك نعم لكن بقـت فـي داخلـي ذكـراك=بقى في داخلي [حبك] .. بقى في داخلي بيتـك

قصيده اعجبتي وحبيت انقلها لكم