السلام عليكم ورحمة الله وبركاته ..
صباآاآحكم ورد وياسمين ..
تفضلوا هذي القصيده البسيطه و المتواضعه و أربها تعجبكم ..
.
.
.
.
زعلتني و إسبقتنـي و اشتكـت
ليتهـا مـا عانـدت يـا ليتهـا
الخطا منها / و لكـن لا بكـت
لينت قلبـي و جيـت أرضيتهـا
تسكت الدنيا إلامنهـا حكـت
ويبكـي الخفـاق لـو بكيتهـا
قلطت في وسط قلبي و ارتكـت
و من فناجيـل الغـلا قهويتهـا
جات في وسط الحنايا و ابركـت
و لـو تبينـي بيتهـا ضميتـهـا
من ديار القلب و العين املكـت
دارهـا عينـي و قلبـي بيتهـا
و فاختبار الحب و الشوق اسلكت
كم إجابه مـا مشـت مشيتهـا
يا فديت عيونها يـوم ضحكـت
و يا فديت الصـوت لا ناديتهـا
في معاليقي من الشوق اتركـت
قصة ٍ لـو قلتهـا مـا اوفيتهـا
ويل حالي كان محبوبـي سكـت
ثم حكت حاجات قـد خليتهـا
و كم ظروف الوقت فيني حركت
حاجـة ٍ مـا احبهـا سويتهـا
عاندتي و أزعلتنـي و اشتكـت
و فوق هذا .. جيتها و أرضيتها !!
..
وسلامتكم