[ مفـآهيـم الخجل ]

[][ .. خــجــل .. ][]

قصيده لي معها حكايه .. من اول حرف الى آخر .. حرف

أنـا ماهقيـت يسـوي الوقـت ماسـواه ..!
{ .. وخان الزمان وعـادة الوقـت خوانـي
وياحي مـن هـذي ديـاره وذا مربـاه
ذواري هبوب النود مـن فوقهـا بانـي ..!
أنا يـوم شفـت البيـت متهـدم مبنـاه
{ .. تذكرت زول كان فـي البيـت سكانـي
انادي عليه وساقي العيـن جـاري مـاه
وأنا عارف إني لـو تحريـت ماجانـي ..!
ظلمني الزمان اللي جبرني على فرقـاه
صواديـف بقعـا شـرهـا ماتعـدانـي
صدوف الزمان وطول صبر لحقت أقصاه
حدتني علـى مبـدا الطويلـة مسيانـي
انا قد بغيت اوقف الرجـل عـن مبـداه
ولكـن شفـت المـوت مازيـد خلانـي ..!

الا جيت عد قـد نـزل مـاه و لاجـاه ..!
تسابق دموعي واظهرت خافي احزانـي
][ أنا كيف ابّدله واطمع ان خاطري ينسـاه
وأنـا كـل مامريـت مدهالـه ابكانـي ][
إلا جات بـه الاخبـار وإلا حـد ٍ طـراه
ماعاد اتّسمع صوت مـن زيـد حكانـي ..!
أعيـش بخيالـه واتنـادم مـع ذكـراه
" ويدوي بي الهاجوس فـي عالـم ثانـي
يغيـم سمـاي إلا تواجهـت أنـا ويـاه "
وحتى الحكي ماعاد ينطـق بـه لسانـي
قضى العمر كله عادني في رجا لا مـاه ..!
وطال الرجـاء واليـاس قـام يتحدانـي
(( هو اللي تتوق النفس لمشاهـدهـ وحكـاه
ولاجـا بقلبـي عنـه سجـه ونسيانـي ))

رحمك الله يابن نوطان