لابغيت أسخر القاف

[محمد بن غريب]

من الأرشيف

يقووووووووووووول

أنا لا بغيت أسخـر القـاف مـا أستغـرق=معي ثانيه لو غـرق غيـري ميـة غرقـه
نديبي على اللي كن بحسـه طبـول فـرق=يعزفون فـي الميـدان فرقـه ورى فرقـه
لمـن دسـت بنصـه لا يكتـم ولا يشـرق=ويرمي مـع الشكمـان نار(ن)لهـا شرقـه
وليا دق سلفه وأشتغل قلـت ويـش يفـرق=عـن الطاروالمزماروالعـود وش فـرقـه
إقزوزيـن لا منـك نهمتـه زرقبـك زرق=كمـا زرق زاروق(ن)والأمـواج منزرقـه
تحرك فجر من دارشرق(ن)شمـال العـرق=يبي ديرت(ن)غرب(ن) جنوب(ن) إلا عرقه
وحل الظهـر تلـه يسـارى مـع المفـرق=مـع مفـرق الـوادي لنجـران لـه فرقـه
ومن بعد ساعـه حـول ظلمـا وطالـه رق=ولا منه وطا الأرض العتش كنه مـع رقـه
يسوقه صبيٍ لا أستـوى الخـط رقـه رق=يتـلـه ولا يــدراه يكـويـه ويـرقــه
وعـرض علـى سنـح ولفاهيـد مـابـرق = ومن عند خشم العـان عـدى كمـا البرقـه
وله وقفة(ن)بين أسفـل الحبـل والرقـرق=بجـر اللجـام اللـي شـذا بالغنـا ورقـه
وعـاده بحـب البيـض متولع(ن)مـطـرق=وإيكيف مع أهل الغـي وأسلومـه وطرقـه
ولا واهنيـه يومهـو حـول ذيـك البـرق=يخيل السحـاب اللـي عليهـا لمـع برقـه
وأنـا حدنـي وقتـي وذوقنـي العـشـرق=حدانـي مـن الفيـه إلا حامـي الشـرقـه
وأنا أشوف راعي الشرق فالغرب ماأستشرق=وأهل الغرب تبغا الشرق من شرقها شرقـه

محمد بن غريب بن سلمى الفهادي

حقوق حفظ القصيده