الــــــــــــــــــــــــعامريـــــــــــــــــــ ــــــه

[مسفر بن جوخه]

اقسـم برب الـبـيـت قــبــاض الأرواح=المـعـتـلـي عـلام عـن كـل نـيـه
اني أعــشـقــه عــشـق والله لـو بـاح=ليسوق لي روحه بدرب المنيـه
يـا لـعـنـبـو فـكـرٍ مـعي ويــن مــاراح=يـذكـره حـتى بالـورود الـنـديــه
مشــاعــري زيـنـتـهــا لـه بـمـسـبـاح=وجعلتها في وسط كفـه هـديــه
يـلعـبـهــا لا صـــار رايــق ومـرتــاح=ويفلها لا صار ضـايـق عـلـيــه
والكحل الأسود من عيونه الى ساح=افــزلــه فــزة خـوي الـخــويــه
مـا همني عمري ولا جـمـع الأربـاح=دمعٍ حدر يـبشر وأنا له سريــه
اجنـودهـا ضـلـوعٍ وقـلـبٍ اذا انــزاح=يشوف مـن عقبه جيوشٍ خفيه
امــارها عــروقٍ بــهـا حـــب ذبــــاح=ياقربها مـن قصـة الـعـامـريــه
انــشـهـد ان الـحـب لا غــاب فـضـاح=يبين في وسط العيون الشـقـيه
مــا يـنـفـعـه نـصـحٍ ولا طــب جـــراح=مادام نار البعد في الصدر حيه
لـيـتـه ذكـر يــوم انــا اسـألـه بـمـزاح=عن عزوته ويقوللي.......ايه؟
وليته ذكـر طـفـل الـمـحـبـه الى طــاح=مـايـرتـجي يـاكـود لـمـه بـريـه
عـنـوانـهــا عـطـرٍ بـهـا شــوق فـواح=وختامها عنده كما الـعـامـريـه