قال الذي يبـدع جزيـلات وسمـان=يبدع جزيل القـول معنـىً وقافيّـه

[صالح الغباري]

بسم الله الرحمن الرحيم

بعد التحيه والإحترام لجميع رواد هذا المنتدى إدارة وأعضاء وزوار أهديكم هذه القصيده التي كتبتها لظروفها في ذاك الوقت وكانت بين حل وترحال ارجو من الله أن تنال إستحسانكم وترقى الى ذائقتكم الشعريه وقلت متوكل على الله:

قال الذي يبـدع جزيـلات وسمـان=يبدع جزيل القـول معنـىً وقافيّـه
قافيـةٍ كنهـا طعـم بـن خـولان=ومعنىّ يسلي قلـب كثـرة طواريـه
يالله ياللـي فوقنـا عالـي الشـان=يا قابل الطاعـات ياغافـر السيـه
طالبك ليـلٍ مغـدرٍ لـه تحنحـان=يسقي وطن نجران ويسيـل واديـه
من المضيق بكار وتنـاوش العـان=والعان الأسفل ترتـوي بـه مفاليـه
وتسقي به الخضرا الى بير ظفـران=وبدر الجنوب يخيل برق الحصينيـه
يبو.......لـك رسالـه وعـنـوان=ومثلك ترى ياخيـك يفهـم معانيـه
عينت وقتي قد غـدى بـه تلّـوان=والحظ الأمحق حالفـه فـي ترديـه
شديت من داره وبدلـت الأوطـان=وعفت المكان اللي يذكـر بطاريـه
تركتهـا دارٍ بهـا ربـع وخــلان=ورجلي تحث المشي ماهيب مثنيـه
برقى مراقي الطيب في كل ميـدان=لو أتغـرب وأبعـد مـن السعوديـه
قد سقتها وأوصلتهـا حـد صفـوان=أرضٍ خلا ما تسمع لصوت داعيـه
لابه ونيـس ولا يطّـرون صدقـان=ولا أسمعت فيها غير لهجات غربيه
هذاك كوري والمساعد مـن إيـران=والثاث أوروبـي يحاكـي مريكيـه
قدمت تقريـري ولا نيـب حزنـان=وحجزي موكد و التذاكـر كويتيـه
من دارهم مليـت وجهـت لعمـان=دار البكار اللـي تسمـى العمانيـه
ياطيبها ديـره ويـا خيـر بلـدان=لو أنهـا سلمـت خـدم زنجباريـه
قـومٍ معرفتهـم تجازيـك خسـران=ومنطوقهـم كنّـه تفاريـد عبريـه
لكن في مسقـط تحاليـت غـزلان=وقد هالنـي فيهـم بنـات البلوشيـه
لهم أسود ضافي غبت فيه الأمتـان=وعيون كن فيها صواريـخ حربيـه
ذيك الرموش اللي زهت حرف لعيان=تجذب عيون الناس غصبٍ وجبريـه
والقـد ميـاسٍ لبـس عـود ريـان=ولا تخطوت قدهـا زاد فـي غيـه
سواقنا وجه ترى الوقت قـد حـان=على مطار السيب رحـلات جويـه
إقلاعها وجّب لـدار إبـن سلطـان=لبوظبي وكـر الصقـور الفلاحيـه
زايد حكمها مقـرع الحـق ميـزان=ولا يفـرق بيـن بـدوٍ و شـاويـه
وفي سماهم ينطح السحـب بنيـان=مابين يوم ولليل صارت حضاريـه
يا طيب ديرتهم و ياخيـر عربـان=قومٍ بيلقـى ضيفهـم ظـلٍ و فيّـه
قضيت ماجوبـي ولا فيـه نقصـان=والحمـدلله عالـم الغيـب والنـيـه
يسوقني الواجب الـى حـد بيحـان=وصافر و جنه والمواجيب رسميـه
خاويت فيها مـن المطاليـق شبـان=يا طيب خوتهـم صبيـانٍ هلاليـه
وادي عبيدة له مع الصـدق محيـان=زبن الذي درات على وقتـه رِحيّـه
ومن عتق لحدود شبـوه ودوعـان=للعبر يا مأرب والأسـرار مخفيّـه
نادى المنادي وارتفع صـوت الآذان=ولبيـت للداعـي وياحـي داعيـه
ياطير ياللي حايـمٍ فـوق نجـران=ياسعد عينك فوق تصلال لـك هيّـه

وسلامتكم