قصيدة الشاعر سليمان بن شريم

[هادي بن فهاد]

السلام عليكم ورحمة الله وبركاته
قصيدة الشاعر سليمان بن شريم رحمه الله

يــا مــن لعـيـنٍ فــي محاجـيـرهـا شـــوك
والقـلـب بـــه عـــن لـــذة الـنــوم تـكــاك

لا دك فـــي قـلـبـي مـــن الـهــم داكــــوك
جـاوبــت طـربــان الـحـمـايـم والاديــــاك

عــزي لحـالـك يــا عـزيـز وانـــا ابـــوك
كـــان الـزمــان الـلــي وطـانــي تـوطــاك

امـشــي وكـنــي يــــا عــزيــز بـتـابــوك
فــي حـبـس جـبـارٍ تـحـت حـكـم الاتــراك

عـلـى عشـيـرٍ دونـــه الـبــاب مـصـكـوك
مــــا غــيــر امــــره واتــعــداه مــنـــاك

بــابٍ وراه حــروس مــا هـــو بمـفـكـوك
ومــبـــرزٍ دونـــــه مـكــايــن وشـــبـــاك

وبقيـت انـا فـي حـضـرة الـوقـت ممـلـوك
دولـــة زمـــانٍ بــيــن جــــاك وتــعــداك

افـهــم وصـاتــي يـاعـزيـز وانـــا بـــوك
دامـــك صـغـيـر وغـايــة الـعـلـم يـقــراك

تـــراه مـــا ينـفـعـك خــالــك ولا خــــوك
لا صــار مــا تـقـضـي لـزومــك بيـمـنـاك

وربعـك الــى بــان الخـلـل فـيـك عـافـوك
اقــرب قـريـبٍ لــك مــن الـنـاس يشـنـاك

ان كـثـر مـالـك صـدقـوا لـــك وطـاعــوك
وان قــل مــا بـيـديـك شـانــت سـجـايـاك

لـو تطلـب المـا عندهـم كـان مـا اسـقـوك
ابـعـد مــزارك عـــن وطـنـهـم ومـربــاك

ان جـــاد حـظــك صـدقــوا لـــك وزاروك
وان بــار كــلٍ مــا يـبــي غـيــر فـرقــاك

والى اعترض لك من صروف النيا صوك
كـــلٍ تـبــرا مــنــك مــــا هــــو بــويــاك

وهـراجـة المـجـلـس الـــى جـيــت وروك
مــنــازل تــطـــرب نـظــيــرك بـدنــيــاك

والــى قـضـوا مـنــك الـلــوازم وخـلــوك
تفـرقـوا وانــت احتـمـل كـــل مـــا جـــاك

كـنــك ســـراج الـبـيـت لـلـنـور شــبــوك
والـى قضـى الــوارد حــدا الـربـع طـفـاك

والا كـمــا ليـمـونـة الـحـمـض مــصــوك
والـى قـضـى مـنـه الطـعـم فـرغـوا لــذاك

واللـي يجـي مـن رفقـتـه ريــب وشـكـوك
احــذر عـنــه لـيــاك تـصــدق بـمـسـراك

والـى جـفـوك اهــل الـوطـن واستخـفـوك
قـلّــع غـريـسـك مـنــه واهـــدم ركـايــاك

تـراك لـو تنـجـع عـلـى الـرجـل صعـلـوك
احـسـن مــن الـلـي تلتـجـي لــه ويـاطـاك

عطـهـم وضيايفـهـم الــى مـنـهـم جـــوك
وغـلّــق ضـمـيــرك لا تـعـلــم بـقـصـيـاك

وخدمـتـك شـيــخٍ كـنــك الـعـبـد مـمـلـوك
يـامـرك فـيـمـا يشـتـهـي وانـــت يـنـهـاك

اعــرف تــراك مـبـرقـعٍ مـنــه مـشـبـوك
حــدّرك فــي حـبـل المهـالـك ولا ارقـــاك

واصـحــا لـخــلان الـرخــا لـــو تـغـالـوك
اعرف ترى اطيبهـم الـى احتجـت يجفـاك

كـنـك خــوي مقـيـط دهــووك واغـــووك
وحـقـك عـطـاك رشــاك واقـفـى وخــلاك

واحـذر عـن العيلـه تـرى الحـق مــدروك
مـثــل الـعـمـل يـــدرك مـــا مـنــه فـكــاك

وان كـان عدوانـك علـى الضيـق حــدوك
اخــصــم طـلابـتـهـم بـعـجـفـاك وقــــداك

وان كـانـهـم لـمـشـرّف الـحــق مـاشــوك
نـاظــر مطـالـيـع الـفــرج قـبــل مــبــداك

وان طوعـوا شيـطـان الانـفـس وهـانـوك
فاصبـر عـلـى البـلـوى ودفـنـت رزايــاك

زرهـــم تـــراك الــــى تـوانـيــت زاروك
امـــا بـديــت بـصـاحـب الـســو يــبــداك

مـادامـهـم مـاطـاوعـوا لــــك وعــرفــوك
اضـرب علـى الكايـد الـى عمسـت اريـاك

لــو هـذبـوك مــن المـصـايـب وضـــدوك
مـــا يذبـحـونـك قــبــل تــدنــي مـنـايــاك

واحلـم عـن الجاهـل تـرى الحلـم مـبـروك
وقـم للضعيـف اللـي مـن الضـيـم ينـخـاك

وادمـح خطـا جـيـران بيـتـك الــى اوذوك
تــرى القصـيـر وحـرمـة الـجـار بحـمـاك

عطـهـم رواتـــب حـقـهـم لـــو تـنـاسـوك
فــي كــل مـــا يـصـلـح لـديـنـك ودنـيــاك

وقـم للضيـوف الـى عنـوا لـك وضـافـوك
اغـلــى كرامـتـهـم حـجـاجــك وبــشــراك

واعرف ترى ما لك من الضيف مشـروك
لـــولاه يـطـلـب حـاجـتـه فـيــك مــاجــاك

وقــم للـرجـال ان ريـعـوا لـــك وحـبــوك
واحـشـم خـويـك واكـرمـه عـنــد مـلـفـاك

والــى اعتـبـرت بسـيـرة الـنـاس كـفـوك
مـــا كـثــر مـــن شـــي تعـبـتـه وعـنــاك

ولا تــبــات بــهــم دنــيـــاك مـضــنــوك
مــا طــاب لــك مــادام لــك وافـتـهـم ذاك

لـو يطلبـون اخفايـك النـاس مــا اخـفـوك
والـرجـل مـثـل النـجـم فــي كــل الافــلاك

وصــلاة ربـــي عـــد الاوراق والـشــوك
مـــا نـــاض بـــراق ومـــا هـــل سـفــاك

علـى الــذي مــا فـيـه ريــب ولا شـكـوك
مــحــمــد مــــــادك بـالـقــلــب دكــــــاك