ازرع امل ... اجني الم

[shmoo5_ al_ajmy]

من وين جابك هواك و ويـن وداك = يااجمل هديـه بخـل فيهـا زمانـي
ازرع أمل و اتَخيّـل يـوم لقيـاك = و اجني ألم صدمة الواقـع و اعانـي
الى متى و الامانـي تنبـت اشـواك =و انـا اترجـاك يـاورد الامـانـي
طوّلت و انـا انتظـر طلّـة محيـاك =إرجع . من البُعـد جانـي ماكفانـي
لو شفتني كيف انـا عايـش بليـاك =وشلون اعيش الدقايـق و الثوانـي
اغيب حتـى اتجـاوز حـدّ الادراك =و احلم بوصلك و ارد افيـق ثانـي
ياللي تميّـزك عـن غيـرك مزايـاك =مابين خـدٍ كريـم و طـرف انانـي
في لبتك سرّ سحـر عُمـان فتّـاك =و في شفّتك رقية السحـر العمانـي
ياطول صبري و انا واقـف ترجّـاك =و انته تطاوع غـرورك و تعصانـي
تعزف حروف الغياب المرّ و اقـراك =و الكون كلّه مـن اسبابـك قرانـي
تعال خذني من اسر الواقـع هنـاك =و ابي اخذك عن نظر قاصي و دانـي
بانفـاك ياعالمـي و اكـون منفـاك =في مملكـه داخـل اسـوار المحانـي
و اسقيك نبع الغلا و ارويك و ارواك =و اكسب حنانك و اعيّشّك بحنانـي
اكتبك روح القصيـده و اتهجـاك =يـاوزن شعـري و قافـه و المعانـي
لامن تخيّلت وصفك قلـت حيّـاك =يالشعر خذني على الطرق و خذانـي
بس الزمن عن عيونـي ويـن وداك =يااجمل هديـه بخـل فيهـا زمانـي