***(( مال للعمى صبح ولو بات سهران ))***

[نسل الأحرار]

السلام عليكم ورحمة الله وبركاته هذي ثاني مشاركه لي ارجو ان تحوز على اعجابكم وهي عامه للجميع وخاصه لمتذوقي الشعر العذب وخترت هذي القصيده الجميله لشاعر الكبير الامير بدر بن عبدالمحسن مهندس الكلمه واللتي ابدع فيها من ناحية الصور الجميله ارجو ان تعجبكم وتمنى الردود

قلت المطر قالت من اليوم ديمه =ما به رعد لا برق ما غير هتّان
عشق ٍ جمع ما بين قاع ٍ و غيمه =فيّض على صدر الثرى دمع الأمزان
همس النديم اللّي يعاتب نديمه =صوت المطر كنّه تعاتيب خلاّن
و تبسمت لأجل الليالي القديمة =و قالت : تذكر .. قلت : يا بنت نسيان
نقض الجروح اللّي تشافت ظليمه =ما عاد به وصل ٍ ولا عاد هجران
و ما للرجا في بعض الأحوال قيمه =و مال العمى صبح ٍ ولو بات سهران
لو للزمن عن نيّة الغدر شيمه =ما فرق أحباب ٍ ولا أبعد أوطان
كلّن خصيم .. و ذاق لوعة خصيمه =و اللّي خصيم الوقت يا بنت خسران