السلام عليكم ورحمة الله وبركاته
هذي مشاركتي الأولى واتمنى ان تحوز على رضاكم
بعدمـا غـابـت لـهـا عـنـي سـنـه وربـع شـهور=كـلـمـتـني مــن خـذت اروع سنيني بـلا عـذر
رجعتـنـي ذكـريـاتي عـصـر تـحـكـمـه الـزهـور=يـوم كنا نـقـطـف ازهــاره على جـال الـنـهـر
اذكر اول ما التقينا وش حصل بين الحـضـور=وذكـر اني قـلـت مـا لـومـه اذا غـاب الـقـمـر
وصفها لو جيت بـوصـف كـنـهـا بـدر الـبـدور=معجزه من معجزات الكون في صورة بشـر
عطرها من جيدهـا يـفـرق عـلى كــل الـعـطـور=كنها الجوري ولكن يخـتـلـف نــوع الـعـطـر
ابـتـدت مـشـوارهــا والـقـلــب يـمـلاه الـغـرور=وعـلـمـتـنـي بـحـبـهـا اكـبـر عـدو لـلـنـصـــر
وبتديـت ارسـم طريق الحـب نـاوي بـالـعـبـور=شـايـل في وسـط كفي طـفـل عـنـاه الـسـهـر
قمت اعلمها الغـلا وشـلـون تـبـني لـه قـصـور=كيف تزرع في صحاري القلب من حبي زهر
وقمت اعلمها الوصل وشلون تبني له جسـور=وقـمـت اعلمها وعلمهـا على انـواع الـقـهـر
والنتيجه بختصرها من ورى القـلـب الـغـيـور=كـبـرياءه مـا يـطـاوعني على نـشـر الـخـبـــر
قاطعتني ورحلت من غيـر لا يـحـصـل قـصـور=والليالي بـعـدهـا صـارت كـمـا مـوج الـبـحـر
كنت احسب القلب لا غابت على الغيبه صبور=ليـن شـفـت اغـيابـهـا مـالـه عـلاج الا الـقـبـر
يـامـا كنت اكسر قصدي لجل اعلمها الكـسـور=وياما كنت اقسى عليها لجل اعلمها الـصـبـر
دارت الأيــام فــيــنــا والــزمـن طـــعــه يــدور=وكتشفت ان الهـجر مـالـه عـلاج الا الـهـجــر