عــشــــرة شــروط

[الغروب]

السلام عليكم ورحمة الله وبركاته

تحيه عطره لكل من شرفنا هنا



حبيت انقل لكم هذه القصيده الرائعه للشاعر مرزوق الثبيتي
كان ودي انقلها لكم بالصوت لكن لم استطع للأسف
لكن بعطيكم القصيده مكتوبه وان شاء الله انها تعجبكم


عشرة شروط

خابرك تبيني وأنـا مثلـك أبيـك=من بعد ما دار الزمـان ولقيتـك
يا صاحبي ما عاد لي رغبة فيـك=أبيك تنساني مثـل مـا نسيتـك
وان كان ودك في مواصل محاكيك=اجـل بـلاش اللفلفـة لا بكيتـك
عشرة شروط إن كان تبغاني أجيك=حتى يعـود قلـب مغليـك بيتـك
أبيك ترضينـي وتتـرك تغليـك=وأبيك تعطيني مثل مـا عطيتـك
وأبيك تفرح بي ليا جيت ناصيـك=يعني تفز وتنتهـض لا نصيتـك
وأبيك تنسى كل من كان شاريـك=مادام أنا بدموع عينـي شريتـك
وأبيك تعرف قدرك بقلب مغليـك=وأبيك قد الهقـوه اللـي هقيتـك
وأبيك تتنـازل وتتـرك تحديـك=وأبيك خطـن لا كتبتـك قريتـك
وأبيك تنسينـي دروب التهاليـك=يا دربي اللي تهت فيك ومشيتـك
هذي شروطي كان تبغاني اجيـك=هذا بعد يا صاحبـي كـان جيتـك

مع اجمل دعوة لعيونكم الناضرة