ان قلت شاعر قلت وبيوتي بكار^^^وان قلت جاهل قلت ما اعرف من انا!!!

[منصور بن جعشه]

مشتاق لك والشوق اصل الابتكار00وانا ادري ان الشوق اخرته عنا
وان زاد شوقي زاد في حالي دمار00الله لنا ياخافقي الله لنا
لولا الغلا ماكان شفت الانهيار00ولولا الامل مامات حلمي وانبنا
ياضحكه ايامي ويا شمس النهار00ياعطري الزاهي وياطعم الهنا
اغار من نفسي على نفسي واغار00واغار من عقدن على الجيد انثنا
يا احلى من البسمه على وجيه الصغار00واحلى من المعسول لامنه دنا
يا اصدق من الصورة على وجه الجدار00يا اعذب من اللهفه على نور السنا
يا الطف من النسمه على غصن الثمار00يا اشفق من الام الحنونه للضنا
ان قلت شاعر قلت وبيوتي بكار00وان قلت جاهل قلت ما اعرف من انا
اللي اعرفه واختصر لك بأختصار00اني انا من دون شوفك من انا؟؟