السلام عليكم ورحمة الله وبركاته
هـذه ابيـــات للشـــــاعر ســـالم بن وعـــلان وارجو ان تحــوز على رضــــاكم
الأوله ذكر من عظم علينا الأجر=اللي لغيره يديني ماتحوش اركبي
الواحد اللي رحم كل العباد وغفر=ذنب البشر علها تفطن ولا تلعبي
يالله وانا طالبك يومٍ عبوسٍ غبر=نوده يزلزل جبالٍ صوتها يرعبي
تسري على الظالمين اهل الغوى والكفر=تشتال من توها تدمر وتدبي دبي
عفوك يارب السما والأرض يوم الحشر=في ساعةٍ كل نفسٍ فالعمل تحسبي
طالبك يالله تجعلنا من اهل النصر=ونفوز فالجنه اللي فاز فيها النبي
من بعدها شوش الهاجس على ذالبحر=والقاف صوت على الجزله وقال اقربي
وانا لاصغت القوافي ماتجي في عسر=اجيبها غصب ولا طوع حسب اطلبي
سلامي يالابتي ياللي تلد الخطر=ياللي حمت حد يامٍ لا غزاها أجنبي
حنا وعيل الهشامي صلب يام الظفر=من روس قومٍ على عد الوغى تشربي
قومٍ لادقت طبول الحرب موتٍ حمر=ليا أقبلت للحرايب روسها تطربي
في ساعة الموت لامن الشجاع أحتظر=كنه يقول أقبلي يامنيتي وأرحبي
صغيرنا لا غزا جانا بعلم وخبر=ونزبن اللي نصا مدهالنا يطلبي
ربعي ذرا الطيب وربعي حزام الظهر=يوم المحازم تشد وعادها تكربي
قلته وانا من بني عمرٍ ولي الفخر=لاعدت افعول ربعي زايدٍ مكسبي