بو محمّد شوف قلبي ==== فزّ منّي جاريات
بسم الله الرحمن الرحيم وبه نستعين
ابومحمد احد ابناء العمومة وهو شاعر (والله يمّسيه بالخير أينما كان)
واقول له في هذي القصيدة:
بومحمّد شوف قلبي ====== فزّ منّي جاريات
عذّبني واعذابي ====== عين برقع واسعات
ولّعن بي في شبابي ====== ياشبيهن بالمهات
ضيّ برقه هو ضوا بي ====== والقمر به ساطعات
بومحمّد لو تشوفه ====== ما عمل بي من سوات
اسلب(ن) عقلي بشوفه ====== ما عليهن لايمات
ما حلا عين الهنوفه ====== من نظرها ناعسات
والمحاسن هي وصوفه ====== والخواصر لايقات
ياهوا حبّه سرا بي ====== من عذارى نايفات
نسمته روح(ن) حيابي ====== والخطايا غايبات
عذري لو بفقد صوابي ====== من سهامه صايبات
صوته اللّي به طبابي ====== من نطوقه قافيات
نفسي لا ما هي تعوفه ====== من فتونه شارقات
ياشذا العطر وحروفه ====== ريحه(ن) به فايحات
والشعر خصلة نسوفه ====== والجدايل سادلات
قلب لا لا ما يطوفه ====== فالحنايا ساكنات
رمش عينه ون رمابي ====== من جفونه طايلات
ريقه اللّي يا شرابي ====== بو خدود(ن) مايسات
طعمه اللّي يا روابي ====== سقيه(ن) لي رايقات
في طروق الحب مشا بي ====== مقبلات(ن) جاريات
جنّد جنوده صفوفه ====== بيرق الحب عاليات
راكب الهودج زفوفه ====== والغواني حاشيات
ماحلا وقعة خفوفه ====== يوم نزله ماشيات
عين ربّي له تحوفه ====== يوم سلّم ناطقات
وسلامتكم
اخوكم
بني تغلب
التعديل الأخير تم بواسطة : بني تغلب بتاريخ 29-11-2008 الساعة 10:49 PM.
|