تكتب وتبدع من تواصيف شكله **** تنبت قصيده في فضا الشعر تغرسْك

[فــهــد]

.
.
.

أمسيكم \ أصبّحكم بالخير

قصيده (للتواصل) مع هذا القسم المتميز

عساها ترتقي لمسامعكم

صلّوا على النبي

.

غـروٍ الا مـرك بزينـه وثقـلـه=خلا لحون القـاف تبـدع وتِنّسـْك
تكتب وتبدع من تواصيـف شكلـه=تنبت قصيده في فضا الشعر تغرسْك
به ريحةٍ تبعـد مـن الهـم كتلـه=تجمع نسيم العود والورد والمسْـك
له وجه منور كنْه فالليـل شعلـه=به هندسة تصوير وابداع يِجلسْـك
تبدا تهندس مـن تصاويـر لجلـه=ولا وصفته ويرجع الوجه يِهندسْك
الخشم سلّة سيف وعيـون نجلـه=والفم صغير وناتج الفـم ينعسْـك
لنّ الحكي ذوبـك بلسـان طفلـه=لبى الكلام الي من الحب يترسْـك
لا يالهنوف اللـي تلوذيـن عجلـه=بنت العفاف اللي عن الذنب يطمسْك
ليت القدر خلا الصعيبـات سهلـه=لنّ الورود تموت من شان تلمسْـك
عشقي لطفله مثـل عنتـر وعبلـه=عشقٍ عفيفٍ مـا يأنـب وينجسْـك
بالمختصر اسمع من الفود جملـه=هذي بيوتٍ يـا هـواوي تِدَرسْـك

.

وسوالم

( سامحونا كان به قصور )

.
.
.